Қанат Мырзағалиұлы Ғабдулин

Қанат Мырзағалиұлы Ғабдулин
Дүниеге келгені:	1966 наурыз Қостанай облысы Семиозерный ауданы
Мансабы:	Қостанай облысы Сарыкөл ауданының әкімі

Қанат Мырзағалиұлы Ғабдулин 1966 жылы 28 наурызда Қостанай облысы Семиозерный ауданының Москалевка кентінде туған. Қазақ. Әкесі - Ғабдулин Мырзағали Ғабдулинұлы, зейнеткер, кеңшар, ЖШС директоры болған. Анасы - Ғабдулина Майнүр Қасенғазықызы, зейнеткер.

Еңбек Қызыл Ту орденді Қазақ ауылшаруашылық институтының агрономия факультетін бітірген (1991), мамандығы - «Агрономия».

Биология ғылымдарының кандидаты (2001). Кандидаттық диссертациясының тақырыбы: «Күздік бидайдың суыққа төзімділігінің генетикалық аспектілері». «Алмалы» күздік бидай сұрыбының тең авторы. Қазақ және орыс тілдерін біледі. «Нұр Отан» ХДП мүшесі.

1983 жылдың маусымынан - Қостанай облысы Семиозерный ауданының «Қазанбас» кеңшарының жұмыскері, малшысы. 1983 жылдың қарашасынан - Қазақ ауыл шаруашылығы институтының дайындық бөлімінің тыңдаушысы. 1984 жылдан - Кеңес Әскері қатарында қызметте. 1986 жылдан - Еңбек Қызыл Ту орденді Қазақ ауылшаруашылық институтының студенті. 1991 жыл- дан - ҚазҒЗИ агрономы, аспиранты, ғылыми қызметкері. 1997 жылдан - «Мырза» ЖШС директорының орынбаса- ры (Қостанай облысының Әулиекөл ауданы). 2001 жыл- дан - А. Байтұрсынов атындағы Қостанай мемлекеттік университетінің аға оқытушысы. 2002 жылдан - Қостанай облысындағы Әулиекөл ауданы әкімінің орынбасары. 2005 жылдан - «Қостанай облысының Ауыл шаруашылығы департаменті» МБ директоры. 2006 жылдың маусымынан бері - Қостанай облысы Сарыкөл ауданының әкімі.

«Құрмет» (2007) орденімен, «Қазақстан Конституциясына 10 жыл» (2005) медалімен марапатталған. Әскери атағы - аға лейтенант. Саяси қайраткер ретіндегі идеалы - Н. Ә. Назарбаев. Қазақстанның болашағы туралы болжамы - «Әлемнің 10 жетекші елдері қатарында». Хоббиі - сканвордтар, бильярд. Сүйіп оқитын әдебиеті - тарихи және классикалық әдебиет.

Үйленген. Жұбайы - Ғабдулина Дина Жұмажанқызы (1967 ж. т.), «Республика» ЗҚ жұмыс істейді. Қызы - Ғабдулина Гаухар Қанатқызы (1991 ж. т.); ұлы - Мырзағалиев Ерсұлтан Қанатұлы (1998 г. p.).