Қуандықұлы Ауданбек

Қуандықұлы Ауданбек — 1937 жылдың 4 қыркүйегінде Жамбыл облысы, Қордай ауданы, Шарбақты ауылында дүниеге келді. Ауданбек жеті жылдық мектепте оқып жургенде-ақ аудандық, облыстық, республикалық газеттерге хабар, мақала, суреттеме жазумен айналысты. Әсіресе "Аңырақай", "Рославль" атты тын совхоздарынан жазған мақалаларын газет оқырмандары жылы қабылдап жүрді. Сол үшін 1956 жылы "Тыңайган жерлерді игерудегі еңбегі ушін" медалімен марапатталды .

Қуандықұлы Ауданбек 1957 жылы Сүлутөр ауылындагы мектеп интернатта жатып, оқып онжылдықты ойдағышай бітірді. Ол 1957—1960 жылдары Қызыл Тулы Балтық теңіз флотында әскери борышын абыроймен атқарды.

1964 жылы Алматы облыстық "Коммунизм таңы" (қазіргі "Жетісу"), 1965 жылы республикалық "Социалистік Қазақстан" ("Егемен Қазақстан") газеттерінде әдеби қызметкер болып істеді. ҚазМУ-дің журналистика факультетін 1967 ж. бітірді. 1965—1967 жылдары Луговой (қазіргі Тұрар Рысқүлов) аудандық "Коммунистік еңбек" (қазіргі "Қүлан таңы") газетінде редактордың орынбасары, 1967-1969 жылдары Қордай аудандық "Қордай шамшырағы" газетінің жауапты хатшысы қызметтерін атқарды.

1969—1973 жылдары Қордай аудандық атқару комитеті ұйымдастыру бөлімінің меңгерушісі болып істеді. Екі мәрте аудандық кеңесінің депутаты болып сайланды. 1970 жылы "Ерең еңбегі ушін" 100 жылдық мерейтойлық Ленин мерекелік медалімен марапатталды.

1973—1977 жылдары республикалық зағиптар қоғамының басылымы "Еңбек таңы" журналында әдеби қызметкер, жауапты хатшы, редактордың орынбасары қызметін атқарды.

1978—1980 жылдары Ауданбек Қуандықұлы республикалық "Қазақстан" баспасындағы ғылыми көпшілік редакциясында аға редактор болып қызмет атқарғанда авторлардың жатып қалған қолжазбаларын ерінбей-жалықпай қайта оқып, әдеби өңдеп, авторлармен бірге қоян-қолтық тер төгіп, аянбай еңбек етіп, кітаптың сапалы, көркем, мазмұнды болып оқырмандар қолына дер кезінде жетуіне мол үлес қоса білді.

Республикалық қазақ радиосы тағы бір "Ауыл өмірі" деп аталатын бас редакция ашқанын радио тыңдаушылардың күні бүгінгі дейін есінде. Онда қаламының желі бар, жазудан, эфирден сөйлеуден жалықпайтын тәжірибелі кәсіби журналист Ауданбек Қуандықулы 1981—1985 жылы тілшілік қызмет атқарды. Оның әуе толқыны арқылы осы жылдарда егінші, малшы, шопан, сауыншы жайлы, ауыл мәдениеті, табиғатты қорғау жайлы қаншама мақала, суреттеме очерктері окылды, талай озат адамдардан алған сұхбаттары, өнеге алар тәжірибелері әуе толқындары арқылы дәл уақытында радиотыңдаушыларға жетіп жатты.

1992—1997 жылдары республикалық қорғаныс министрлігінің әскери газеті "Қазақстан сарбазы — Воин Казахстана" газетінде бөлім редакторы, техникалық редактор, жауапты хатшы қызметтерін атқарды.

Қуандықұлы Ауданбек университеттің 3 курсында оқып жургенде республикалық мұрағаттан батыр бала Болатбек Омаров жайлы кұнды деректер тауып, "Батыр бала Болатбек" деген тарихи деректі повесть жазды. Оның бәрі балалар басылымдарына жарияланды, жазған телефильмі теледидардан көрсетілді, есімі республикадан тыс одаққа мәлім болды. Сондайак ол Қазақ ССР Жоғаргы Кеңесінің депутаты, Қордай аудандық партия комитетінің бірінші хатшысы Берден Байқошқаровтың "Қордай жері — құт мекен" деген кітабын әдеби өңдеп, баспадан шығуына қол ұшын берді. Көп тиражбен басылып таратылды. Қазақстан Журналистикасының ардагері, 1960 жылдан бері Қазақстан Журналистер одағының мүшесі. 2005 жылы 28 шілдеде ол "Қазақстан Републикасының еңбек сіңірген мәдениет қайраткері" деген атқа ие болды.

Өткен жылы Қордай аудандық маслихатының шешімімен Ауданбек Қуандықұлы "Қордай ауданының құрметті азаматы" деген атаққа ие болды.

Журналистика саласында 40 жыл өтілі бар.