Құрман бетінің кодын көру

'''Құрман''' — [[ұлы жүз]]дің [[Албан тайпасы]] құрамындағы [[ру]]лар бірлестігі. 


[[Шежіре]] бойынша, Құрман [[Әлмерек абыз]]дың ұрпағы болып есептеледі. Құрманнан [[Қара]], [[Үмбет]] және [[Мәмбет (ру)|Мәмбет]] тарайды. Олардан [[Орынтай]], [[Елемес]], [[Малыбай]], Киікбай, [[Елшібай]], [[Беснайза]], [[Майлыбалта]] сияқты аталар өрбіген. Н.Аристовтың [[Дихамбай батыр]]дан жазып алған шежіресінде Құрман Бозыммен қатар ру бірлестігі ретінде көрсетілген.


[[Алатау округі]]нің 1865 ж. тізімі бойынша, Құрман 300 отбасы, 1913 ж. санақта 900 отбасы болған. Жоңғар шапқыншылығы кезінде ерлігімен көзге түскен [[Саурық батыр]], 1916 ж. [[ұлт-азаттық көтеріліс]] басшылары [[Жәмеңке]], [[Ұзақ батыр]]лар, домбырашы, ақын [[Шалтабай]], күйші [[Қожеке]], [[Түменбай]], [[Қаба би]], т.б. Құрманнан  шыққан. Құрмандардың қазіргі ұрпақтары [[Алматы облысы]]ның [[Еңбекшіқазақ ауданы|Еңбекшіқазақ]], [[Райымбек ауданы|Райымбек]], [[Талғар ауданы|Талғар]], [[Іле ауданы|Іле]], [[Жамбыл ауданы (Алматы облысы)|Жамбыл]], т.б. аудандарын, ҚХР-дың [[Іле аймағы]]н, т.б. мекендейді. Құрманның жауынгерлік ұраны — [[Райымбек]], таңбасы — ҡ (дөңгелек).<ref>Қазақ ұлттық энциклопедиясы</ref>
== Тұлғалар ==
* [[Бердібек Ыдырысұлы Соқпақбаев]]
* [[Ұзақ Саурықұлы]]

== Дереккөздер ==
{{дереккөздер}}

{{Қазақ рулары}}

[[Санат:Қазақ рулары]]