Ұрыстық реттер

Ұрыстық реттер (орыс. Боевые порядки) — бөлімдердің, бөлімшелердің, құрамалардың ұрыс жүргізуді күшейтуге арналған құралдарымен орналасуы. Әскердің барлық түрлерінде, ұрыстың әрбір түрінде арнайы Ұрыстық реттер қолданылады. Бір ауданда ұрыс міндетін бірлесе атқаратын әскердін әр түрлі салаларының бірлестіктері, бөлімдер мен бөлімшелері бір ұрыстық ретте сапқа тұрғызылады. Ұрыстық реттер алда тұрған ұрыс қимылдарының жоспарына сай келуге, қойылған жауынгерлік міндеттердің орындалуын қамтамасыз етуге, алынған бағытта күштерді шоғырландырып, ұрыс барысында күштерді арттыруға, үздіксіз бірлесе қимылдау мен әскердің оралымды басқарылуын қамтамасыз етуге тиіс. Ұлы Отан соғысында Ұрыстық реттердің маңызы ұлғайып, оның жаңа элементтері пайда болды: артиллериялық танкіге қарсы резерв, кедергі бөгеттер жасайтын жылжымалы жасақ, танкіге қарсы аудан және басқалар. Екінші дүниежүзілік соғыстан кейін кару-жарақ қатарына жаңа ұрыс құралдарының түсуі — ядролық қару, ракеталық кешендер, ЖҰМ, танкіге карсы басқарылатын ракеталардың, ұрыс тікұшақтары, кару-жарақ пен әскери техниканың барлық түрлерінің ұрыстық қасиеттерінің жақсаруы Ұрыстық реттердін одан әрі дамуына жол ашты.