Өлшем салмақтары

Өлшем салмақтары - өлшеу нәтижелерінің салыстырмалы дәлдігін сипаттайтын және тең дәлдікті емес немесе әр текті шамаларды бірге өңдеуде пайдаланылатын қосымша сандар. Өлшем салмағын $p$ оң санмен білдіру қабылданған, ол орташа квадраттық қателіктің $m_{i}$ квадратына кері пропорционал болады: $p_{i}={\frac {\mu ^{2}}{m_{i}^{2}}},$ мұндағы $\mu ^{2}$ — пропорционалдық коэффициенті.

Егер $p_{i}=1$ болса, онда $\mu =m_{i}$ болады. Демек, $\mu$ шамасы саны жағынан салмағы бірге тең нәтиженің орташа квадраттық қателігіне тең болады. Сондықтан $\mu$ шамасын қысқаша салмақ бірлігінің қателігі дейді. Салмақтарды белгілеу кезінде өлшеу нәтижесіне бірге тең салмақты қойып еркін таңдауға немесе $\mu$ шамасын еркін белгілеуге болады. Бұл орайда бірге өңделетін шамалардың салмақтары есептеуге қолайлы сандар болуын басшылыққа алады. Салмақтармен есептеулер жүргізгенде барлық шамалар салмақтарды белгілеу кезіндегі олардың орташа квадраттық қателіктері көрсетілген өлшем бірліктерімен білдіріледі.