Өнеркәсіп торабы

Өнеркәсіп торабы – ортақ мүдделілік жағдайда бірыңғайлы көліктік-географиялық орнымен, өзара өндірістік-технологиялық байланыстармен бірлестірілген өнеркәсіптік кәсіпорындардың серіктесіп орналасқан аумағы. Өнеркәсіп торабы бірнеше қалалар мен олардың маңында орналасқан кенттерді қамтиды, өте сирек жағдайда бір қаланың аумағымен де шектелуі мүмкін. Атқаратын қызметіне қарай өндіруші Өнеркәсіп торабы және өндеуші Өнеркәсіп торабы болып бөлінеді. Өндіруші Өнеркәсіп торабы: көмір, мұнай, қара металлургия, т.б. салаларға, ал өңдеуші Өнеркәсіп торабы: машина жасау, химия, тоқыма және басқа да тармақтарға бөлінеді. Өнеркәсіп торабының тиімділігі ондағы өндіріс орындарының жалпы еңбек және шикізат қорларын, энергетика, көлік, байланыс, инженерлік-коммуникациялық, т.б. қажетті қосалқы жүйелерді олардың кешенді бірлесіп пайдалануында.