Әмір Сәметұлы Бисенғалиев

Бисенғалиев Әмір Сәметұлы
Дүниеге келгені:	1 шілде 1986 Алматы

Бисенғалиев Әмір Сәметұлы - 1986 жылы 1 шілдеде Алматы қаласында туған. Қазақ.

Анасы - Бисенғалиева Аида Сәметқызы, пианист.

Генри Перселл атындағы мамандандырылған музыка мектебінің «Скрипка» факультетін (Лондон, 2005); Корольдік музыка колледжін бітірген (Лондон, 2009, «Болашақ» президенттік бағдарламасы бойынша), музыка бакалавры, оркестрдің солисі, скрипка оқытушысы, камералық музыкант.

Орыс, қазақ және ағылшын тілдерін біледі.

2009 жылдың қыркүйек айынан бері - Жамбыл атындағы Қазақ мемлекеттік филармониясының солисі (Алматы); К. Байсейітова атындағы Республикалық орта мамандандырылған музыкалық мектеп-интернаттың скрипка классы бойынша оқытушысы.

Академик А. Жұбанов атындағы бірінші халықаралық байқаудың (1994), «Айналайын» бірінші халықаралық жас дарындар байқауының (1996), «Мейірім» бірінші халықаралық байқауының (Қырғызстан, 1996) лауреаты, «Юные дарования Сибири» конкурсының (Новосібір, 1997), М. Стрихардж атындағы халықаралық конкурстың (Қазақстан, 1998) лауреаты. "Derby Arts" (1999), "Wharfedale Music" (Англия, 1999) конкурстарының жеңімпазы. "Mrs. Sunderland Competition" конкурсындағы соңғы 100 жыл ішіндегі ең жас жеңімпаз (Хаддерсфилд, Англия, 1999). Уэльстегі "Llangollen International Musical Eisteddfod" Халықаралық байқауындағы алтын медальдың және «1999 жылдың аспапшысы» атағының иегері. ҚР Тұңғыш Президенті қорының мәдениет және өнер саласындағы сыйлығының, президенттік стипендияның иегері (2009).

Хоббиі - музыкалық ноталар мен классикалық жазбалардың сирек кездесетін басылымдарын жинау, спорт.

Сүйіп оқитын әдебиеті - Л.Н. Толстой, A. Моруа, А. Құнанбаев, Дж. Оруэлл.

Бойдақ.