ҚазҰУ қамқоршылар кеңесі

Әл-Фараби атындағы Қазақ ұлттық университетінің қамқоршылар кеңесі – университетті басқарудың стратегиялық органы. Кеңес еріктілік, теңқұқылық, ашықтық және қаулылық принциптерін басшылыққа алып қызмет етеді. Қамқоршылар кеңесі университеттің дамуы мен тиімді қызмет атқаруы, ҚазҰУ-дың халықаралық деңгейдегі білім беру ұйымы, ғылыми және мәдени орталығы ретінде отандық қоғамдық-саяси жүйеде дамуы мақсатында құрылған. Қамқоршылар кеңесі қоғамдық кеңес органы ретінде қызмет атқарады, университет дамуындағы өзекті мәселелерді шешуге қатысады.

Міндеттері

Университет дамуының өзекті мәселелерін шешу; Университеттің халықаралық деңгейдегі білім беру, ғылыми және мәдени орталық ретіндегі даму стратегиясы мен бағдарламасын бекітуге қатысу; Оқу үрдісіне қатысушылар құқықтарының қорғалуы үстінен қоғамдық бақылау жүргізу; Білім беру ұйымының мұқтаждықтары үшін заңды және жеке тұлғалардан бөлінген ерікті жарна мен төлемдердің игерілуі үстінен қоғамдық бақылау жүргізу; Университеттің халықаралық ғылыми, техникалық және мәдени байланыстарын дамытуға қатысу;

Құрамы

Қамқоршылар кеңесі білім мен ғылымның дамуына етене ат салысатын еліміздің алдыңғы қатарлы ғылым, қоғам мен саясат, экономика, мәдени элита және бизнес құрылымдары өкілдерінен құралады. Қамқоршылар кеңесі құрамына атқарушы билік, ғылыми қоғамдастық, ұйымдастырушы, мемлекеттік басқару басқару органдары, бұқаралық ақпарат құралдары, қоғамдық бірлестіктер мен қауымдастықтар, бейүкіметтік ұйымдар, кәсіпорындар сонымен қатар шетелдік, түлектер қауымдастығы және Университет әкімшілігі өкілдерінің енуіне толық мұршалары бар.

Қамқоршылар кеңесі мүшелері құзіреті

Қамқоршылар кеңесінің шешімі ашық дауыс беру негізінде қамқоршылар кеңесінің мәжілісіне қатысушылардың көпшілік дауысы нәтижесіне байланысты қабылданады. 2009 жылы 26 мамырда университеттің Ғылыми кеңесі отырысында ҚазҰУ-дың қамқоршылар кеңесі құрамы 13 адамнан құралып, қамқоршылар кеңесінің қаулысы бекітілді. 1. Жақсыбеков Әділбек Рыскелдіұлы – Қазақстан Республикасы Қорғаныс министрі, Қамқоршылар кеңесінің төрағасы 2. Жұмағұлов Бақытжан Тұрсынұлы – Қазақстан Республикасы Білім және ғылым министрі 3. Әшімбаев Мәулен Сағатханұлы – Қазақстан Республикасы Президентінің Әкімшілігі Басшысының орынбасары 4. Байсейітов Бақытбек Рымбекұлы – «Банк ЦентрКредит» АҚ басқармасының төрағасы 5. Баратов Тахиржан Турсынович – «Oriel resources Plc» британдық ашық компаниясының атқарушы директоры 6. Жұмашев Сержан Сейітұлы – «Capital Partners» компаниясы Бақылаушы Кеңесінің Төрағасы 7. Исекешев Әсет Өрентайұлы – Қазақстан Республикасының Индустрия және сауда министрі 8. Құл-Мұхаммед Мұхтар Абрарұлы – Қазақстан Республикасы Мәдениет және ақпарат министрі 9. Мұсабаев Талғат Амангелдіұлы – Қазақстан Республикасы Ұлттық ғарыш агенттігінің төрағасы. 10. Нөкетаева Динар Жүсіпәліқызы – Қазақстан Республикасы Парламенті Мәжілісінің депутаты 11. Смағулов Нұрлан Еркебұланұлы – «Астана-групп» ЖШС президенті 12. Сүлейменов Олжас Омарұлы – Қазақстанның ЮНЕСКО-ғы Өкілі 13. Сұлтанов Қуаныш Сұлтанұлы – Қазақстан Республикасы Парламенті Сенатының депутаты