Атысты біртіндеп шоғырландыру

Атысты біртіндеп шоғырландыру (орыс. Последовательное сосредоточение огня) — артиллериялык атыстың түрі; шабуылды артиллериялық қолдау әдісі. Қарсыластың шабуылдаушы әскерлерінің маңдай шебі алдындағы және қапталдарындағы тірек пункттерін, атыс құралдарын, басқару пункттерін және тағы басқа нысаналарды шоғырланған атыспен біртіндеп жоюға арналады. Атысты біртіндеп шоғырландыру шабуылда, сондай-ақ қорғаныста шешуші соққы беруде (қарсы шабуылда) қолданылады. Атысты біртіндеп шоғырландыру дараланған және қосарланған болуы мүмкін. Дараланған атысты біртіндеп шоғырландыру шабуылдаушы бөлімшелердің тікелей мандайшебі алдында бір шепте орналасқан нысаналар бойынша жүргізіледі және олардың жылжуы барысында келесі шепке көшіріліп отырады. Қосарланған атысты біртіндеп шоғырландыру екі артиллерия тобымен бір мезгілде жүргізіледі:

• 1 -ші топ — шептегі шабуылдаушы бөлімшелерге жақын маңдағы нысаналар бойынша,
• 2-ші топ екінші шептен бастап, келесі шептегі нысаналар бойынша жүргізеді.

Атысты біртіндеп шоғырландырудың бірінші шебі карсылас қорғанысының алгы шебіндегі нысаналар бойынша, келесілері — қорғаныс терендігіндегі нысаналар бойынша бір-бірінен 300-1000 м қашықтықта тағайындалады. Атысты біртіндеп шоғырландырудың әрбір шебінде дивизиондар немесе батареялар үшін атысты (нысананы) шоғырландыру өңірлері белгіленеді. Бірінші шептегі атыс жүргізу ұзақтығы шабуылдаушы бөлімшелерге шабуылға көшу шебінен өз снарядтарының жарылуының қауіпсіздігі шебіне дейінгі қашықтықтыкты өтуге қажет уакытпен, ал келесі шептерде — шептер арақашықтықтарына және шабуылдаушы әскерлердің қозғалысы жылдамдығына байланысты анықталады.

• Атысты біртіндеп шоғырландыруды жүргізу жалпы әскери күрама командирінің белгісі бойынша шабуыл басында басталады. Атысты кезектегі шепке аудару мотоатқыштар (танк) полкі (батальоны) командирінің белгісімен жүргізіледі. Қосарланған атысты біртіндеп шоғырландыруда артиллерияның 1-ші тобы атысты 1-ші шептен 2-шіге аударады, ал 2-ші топ 2-ші шептен 3-шіге аударады. Мұндай тәртіп атысты біртіндеп шоғырландырудың бүкіл терендігі бойынша сақталады.