Понтонды парк

Понтонды парк — жүзбелі көпірлерді салу, сондай-ақ тасымалданатын сал қайықтарды жинауға арналған техникалық құралдар кешені. Понтонды парктер жеңіл — жүк көтергіштігі 25 т-ға дейін және ауыр — 40-80 т. болып бөлінеді.

Понтонды парк сал қайықты-көпір конструкцияларынан, көліктік құралдардан, моторлы су құралдарынан және көмекші құрал-жабдықтардан тұрады. Сал қайықты-көпір конструкциялар понтондардан, тіреуші және жүргінші бөліктерден, кемежай элементтерінен тұруы мүмкін.

Тіреуші конструкциялар ретінде прогондар (бөренелер), фермалар немеее қазықтардан жиналатын аралық құрылыстар қолданылады. Жүргінші бөлігі ағаш (қалқаннан) немесе металдан жасалады.

Көліктік құралдар көп жағдайда жоғары өтпелі автомобильдер болып табылады. Моторландырғыш құралдар ретінде көпірлер салу үшін және сал қайықтарды жылжыту үшін қолданылатын катерлер қызмет етеді. Бірқатар понтонды парктерде көбінесе үрлемелі понтондармен бірге кемердің сыртындағы агрегаттар қолданылады. Көмекші құрал-жабдықтар мен қосымша құрылғыларға крандар, жол төсеніштер, зәкірлер, анкерлер, жабдықтар жинағы, жабдықтар және т. б. жатады.

Кейбір армияларда өздігінен жүретін (амфибиялық, шабуылдық) понтонды парктер болады. Өздігінен жүретін Понтонды паркде негізгі элементтердің барлығы амфибия-машинасына біріктіріледі. Понтондардың конструкцияеына қарай Понтонды паркден жеке жүзбе тірегі бар жүзбелі көпірлер және жүзбелі таспалы-көпірлер жасалуы мүмкін.

Соғыстан кейінгі кезеңдерде негізінен жаңа типтегі понтонды көпірлі парк (ПКП) құрылды. Мұнда жиылмалы буындардан таспалы-көпірлер мен таспалы-сал қайықтар жиналады. ПКП әскерлердің өткелден өтуін едәуір тездетеді.