Жорық реті

Уикипедия — ашық энциклопедиясынан алынған мәлімет
Навигацияға өту Іздеуге өту

Жорық реті[1] — жорық жасау үшін бөлімшелердің, бөлімдер мен құрамалардың өздерінің күшейту құралдарымен бірге сапқа түруы.

  • Жорық реті алда тұрған әрекеттердің мәніне жауап беруі қажет және төмендегілерді:
  1. қозғалыстың жоғарғы жылдамдығын
  2. әскерлердің (күштердің) ұрысқа кіруін және ұрыстық ретке тез жазылуын
  3. жаппай қырып-жою қаруы мен авиация соққыларынан аз зақымдалуды
  4. жеке құрам мен әскери техниканы сақтауды қарулы күштердің авиациялық бөлімдері мен құрамалардан басқа барлық салалардың әскерлерін басқарудың беріктігі мен тұрақтылығын қамтамасыз етуі керек.

Лектер тылда жорық жасау барысында, қарсыласпен қақтығысудың тікелей қауіпқатері болмағанда бірдей жылжу жылдамдықты, өтімді және радиациядан қорғаныс қасиеттері бар бір типті машиналардан құралады. Егер әскерлер қарсыластың әскерлерімен қақтығыс болуы ықтимал жағдайда жорық жасаса, онда жорық реті жорық лектерінің ұрысқа кіру мен ұрыстық реттеріне тез жазылуын қамтамасыз ететіндей, қарсыластың әскер топтарына күшті атыстық соққы беретіндей және жылдам шабуылға көше алатындай болып құрылады. Бұндай жағдайда, жалпы әскерлік құрамалар мен бөлімдердің жорық ретіне алдыңғы жасак, жорық күзеті, басты күштердің лектері және тылдық бөлімдер мен бөлімшелердің лектері кіреді. Жорық ретінде әрбір бөлімдер мен бөлімшелердің орындары қарсыласпен қақтығыстың болуы ықтимал шептердегі қимылдың мәнісі, ұрыстық реттегі белгіленген орны мен қарсы ұрыстағы тапсырмаларға сай анықталады.

Дереккөздер

[өңдеу | қайнарын өңдеу]
  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ , 2001 жыл