Тікелей қорғау

Тікелей қорғау — үлкен басшылар ұйымдастыратын, бөлімше командирі жіберетін қорғау. Тікелей қорғау қарсыластың тұтқиыл шабуылына және барлау жүргізуіне жол бермеу мақсатында ұйымдастырылады. Тікелей қорғау үшін бөлімше (бөлім) командирі қажетті күш пен құралдарды бөледі, оларға міндеттер қояды, іс-қимыл ретін және байланысын кәрсетеді. Тікелей қорғау шеруде — жорық заставалары мен шолғын машиналары, орныққан жерлерде — күзет заставалары, күзет постылары, шолғын машиналары (шолғыншылар) және құпиялар арқылы жүргізіледі. Сонымен бірге ұрыс әрекетінің барлық түрінде бөлімшелерде бақылау ұйымдастырылып, үнемі қорғау жүргізіледі.