Денисов ауданы – Қостанай облысының батыс бөлігіндегі әкімшілік бөлініс. Жер аумағы 6,8 мың км2. Тұрғыны 29,4 мың адам, орташа тығыздығы 1 км2-ге 3,5 адамнан келеді (2006). Аудандағы 46 елді мекен 13 ауылдық әкімшілік округке бөлінген. Аудан орталығы – Денисов аулы Аудан жері жазық, шығысқа қарай еңіс келетін Орал сырты үстірті мен Торғай үстіртінің солтүстік тұсын алып жатыр. Кен байлықтарынан құрылыстық тас, әктас кездеседі. Климаты тым континенттік. Қысы суық ызғарлы, жазы ыстық, құрғақ. Қаңтардағы ауаның орташа темп-расы –17 – 18°С, шілдеде 19 – 21°С. Жауын-шашынның жылдық орташа мөлш. 250 – 300 мм. Басты өзендері: Тобыл, Әйет және олардың салалары – Қарағайлы және Қамысты Әйет. Тобыл өз-нде Жоғ. Тобыл бөгені, Қамысты Әйет өз-нде Қамысты бөгені салынған. Ірі көлдері: Жақсы Алакөл, Светлое, Шыбындысор және Айқоныс. Д. а-ның жері, негізінен, қара және қызыл қоңыр топырақты, сортаң топырақтар да кездеседі. Өсімдігі жусан аралас қау мен селеу, бетеге аралас далалық шөптерден тұрады. Жануарлар дүниесінен қасқыр, түлкі, сарышұнақ, қосаяқ; құстардан қаз, үйрек, аққу, тырна, қызғыш, бозторғай, т.б. мекендейді. Ауыл шаруашылығына пайдаланылатын жер аумағы 452,5 мың га, оның ішінде 329,7 мың га егістік, 116 мың га жайылым бар. Денисов ауданы арқылы батыстан шығысқа қарай Ақмола – Қарталы темір жол, оңтүстік-батыстан солтүстік-шығысқа қарай Қостанай – Жітіқара темір жол, сондай-ақ респупликалық маңызы бар Қостанай – Рудный – Тобыл – Жітіқара автомобиль магистралі өтеді. Аудан ішіндегі елді мекендер автомобиль жолдары арқылы байланысқан.[2]
[өңдеу] Пайдаланылған әдебиет
- ↑ ҚР елді мекендерінің тұрғындар саны
- ↑ Қазақ энциклопедиясы
Қазақстан
