Көктоғай (Атырау облысы)

 Басқа мағыналар үшін Көктоғай деген бетті қараңыз.

Көктоғай ауылына қош келдіңіздер!

Ауыл
Көктоғай
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Атырау
Ауданы	Индер
Ауылдық округі	Көктоғай
Тарихы мен географиясы
Координаттары	48°07′56″ с. е. 51°32′04″ ш. б.48.13222° с. е. 51.53444° ш. б. / 48.13222; 51.53444
Бұрынғы атаулары	Зелёнов форпосты, Зелёное
Уақыт белдеуі	UTC+5:00
Тұрғындары
Тұрғыны	▲2465 адам (2021)
Этнохороним	көктоғайлық, көктоғайлықтар
Сандық идентификаторлары
Телефон коды	+7 71234
Автомобиль коды	06
Көктоғай Көктоғай
Көктоғай шекарасы

Көктоғай (2007 жылға дейін Зелёное) — Атырау облысы Индер ауданындағы ауыл, Көктоғай ауылдық округі орталығы.

Географиялық орны

Жайық өзенінің оң жағалауында, аудан орталығы – Индербор кентінен оңтүстік-батысқа қарай 47 км жерде, теңіз деңгейінен 23 м төмен ойыста, шөлейт белдемде орналасқан.

Көктоғай ауылы

Халқы

1999 жылы тұрғындар саны 2378 адам (1245 ер адам және 1133 әйел адам) болса, 2009 жылы 2418 адамды (1249 ер адам және 1169 әйел адам) құрады.

2021 жылғы санақ бойынша 2465 адамды (1278 ер адам және 1187 әйел адам) құрады.

Тарихы

Кейбір деректер бойынша, Зеленый ауылы орналасқан тұста 15 ғ-дың аяқ кезінен бастап Көктоғай атты ескі қоныс болған. 1928 жылы ауыл шаруашылығын ұжымдастыруға сәйкес мұнда “Красный Октябрь” балықшылар ұжымшары құрылып, өзімен аттас ауылдық кеңестің орталығы болды. 1962 жылы ұжымшар “Путь Ильича” атты қаракөл қой кеңшарына айналды. 1997 жылы Зеленыйда шаруа (фермер) қожалықтары құрылды.

Мәдени-әлеуметтік мекемелері

Ауылда мектеп-интернат, кітапхана, емхана мен аурухана, балабақша, мәдениет үйі, байланыс бөлімшесі т.б. бар. Кеңес Одағының Батыры Боран Нысанбаевқа арналған ескерткіш орнатылған. Тұрғындары көрші елді мекендермен автомобиль және су жолымен қатынасады.

• Б.Нысанбаев атындағы орта мектеп — мектепке Қазақ КСР Жоғарғы Кеңесі Президиумының 1965 жылғы 23 сәуірдегі №324 Жарлығымен Зелёный орта мектебіне Кеңес Одағының Батыры Боран Нысанбаевтың есімі берілген. Мектептің қазіргі ғимараты 1977 жылы салынған.
• "Гүлдәурен" бөбекжай-бақшасы

Ауыл көшелері

Көктоғай

Көктоғай. Жаңа құрылыстар.

• Ақжайық (5 корпус) көшесі
• Әбдірахман Карентаев көшесі
• Әлия Молдағұлова көшесі
• Бағыт Айманақұмов көшесі
• Бауыржан Момышұлы көшесі
• Бейбітшілік көшесі
• Боран Нысанбаев көшесі
• Зәнеш Бисенов көшесі
• Ишахат Құспанов көшесі
• Қадим Сапуанов көшесі
• Қазақстан көшесі
• Мунира Тұрғалиева көшесі
• Мұқанәлі Дүйсенбиев көшесі
• Оңғаден Айтбаев көшесі
• Өтешқали Атамбаев көшесі
• Сәкен Сейфуллин көшесі
• Тәуелсіздік көшесі
• Хайрош Тастайбеков көшесі
• Шәші Еділбаев көшесі
• Ынтымақ көшесі