Мұрат I Хұдавандигар

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Үлгі:Infobox Ottoman sultan

Мұрат I Хұдавандигар [1](1326 – 10.8.1389, Косово) – Осман сұлтандығының 3-сұлтаны,Косово жорығының қолбасшысы.

Толығырақ[өңдеу]

Әкесі Орхан Ғазы қайтыс болғаннан кейін орнына таққа отырған. Ол таққа отырғаннан кейін кресшілерге қарсы бірнеше сәтті жорықтар жасады. 1363 жылы Едірне қаласын, оның маңайындағы бекіністерді басып алып, Анадолы мұсылмандарын қоныстандырды. 1364 жылы Осман сұлтандығының қолбасшысы қажы Илбек Сербияны жаулап алды. Кресшілерді үрей билеп, үдере көшіп, рум жері мұсылмандар мекеніне айналды. 1367 жылдан Едірне қ. Түркияның астанасы болып белгіленді. 1387 жылы Мұрат I Хұдавандигар Анадолыда бас көтерген Қараманұлы Аладин Әлиді тізе бүктірді. Онан соң Хорватия, Венгрия,Полыня әскерлерінен құралған кресшілер армиясына қарсы аттанды. 1389 жылы 10 тамызда Косово алабында екі жақтың қолы кескілесе шайқасып, Осман жауынгерлері жеңіп шықты. Кресшілерді бастап келген серб патшасы Лазар мен оның ұлы тұтқынға алынды. Бірақ осы Косово шайқасынан кейін ұрыс даласын аралап келе жатқан сәтінде серб Милоя Обилич қастандықпен өлтірді. Аз ғана уақыт ішінде өзі билеген мемлекетінің аумағын 5 еседей ұлғайтып, құдіретті империяға айналдырған Мұрат I Хұдавандигар хақында белгілі тарихшы Хаммер: “ол шариғат заңын аса жауапкершілікпен қолдады әрі өзінің өркендеп, дамыған елінде оны одан әрі жүйелеп, орнықтыру үшін барша күш-қуаты мен ақыл-парасатын жұмсап, мүлтіксіз қызмет ете білді” деп жазған. Таққа отырған ұлы Баязид І сұлтан денесін Бурса қ-на жерледі.

Сілтемелер[өңдеу]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том