Мұхаммед Фетхуллаһ Гүлен

M. Fethullah Gülen
Дүниеге келгені:	1941 Erzurum, Түркия
Мансабы:	Ислами ілімдер
Жұбайы:	Үйленбеген
Веб-сайты
http://fgulen.com

Фетхулаһ Гүлен – түрік халқының көрнекті ақыл-парасат иесі, жазушы әрі ақын, ол сонымен қатар соңғы кезде бүкіл әлемге танымал ислам ғалымы, көптеген құрылымды идеялардың авторы. Ғалымның діни төзімділікке, кешірімділікке, білім беру жүйесін түбегейлі жетілдіруге бағытталған ұстанымдарының ауқымы аса кең. Оның бұл аса ірі қайырымдылық іске негізделген игі мүддесі қазіргі уақытта тек түрік қоғамын ғана емес, әлемнің көптеген аймақтарын қамтып отыр.
Оның өмірлік басты ұстанымының негізінде – ислам дінінің мәңгілік құндылықтары, ізгі қоғам құрудағы нақты іс-әрекеттері, дінаралық және мәдениетаралық диалогты арттыру, қазіргі білім беру әдістемесінің бірегейлігі, сонымен қатар халыққа қалтқысыз қызмет көрсету арқылы Жаратушының мейіріміне бөлену ықыласы жатыр.
Ол – сүйіспеншілікке, мейірімділікке, кеңпейілдікке, төзімділікке, жанашырлыққа, еңбек пен өзге де ізгі амалдарға баулуда, рухани құндылықтарға тәрбиелеуде шынайы ақиқат діннің бірден-бір сара жол екенін дәлелдеуге бүкіл ғұмырын арнаған жан.