Ноғай Ордасы

Қазақша Уикипедияның мағлұматы

Ноғай Ордасы — Алтын Орда ыдырап, Ақ Орда әлсіреуі нәтижесінде пайда болған мемлекеттің бірі.

Ноғай Ордасы 13 ғ. 2 жартысында бөлшектене бастады. Бұл жағдай әмір Едіге тұсында 14 ғасырда жалғасып, оның баласы Нұраддин (1426—40) кезінде аяқталды.

Ноғай Ордасы Еділ мен Жайық арасындағы жерді мекендеді. Орталығы Жайықтың төменгі саласындағы Сарайшық қаласы.

Ноғай Ордасының негізін қалаған Едіге 1396—1411 жж. Алтын Ордада бүкіл билікті өз қолынан шығармай, оны өзі тағайындаған хандар арқылы басқарды. Ол 1399 ж. Литуания-Полония әскері мен Тевтон ордені рыцарьларының біріккен жасақтарына күйрете соққы беріп, 1408 ж. орыс әскерлерін талқандап, Мәскеуге дейінгі жерлерді бағындырды.

Ноғай ордасы маңғыттардан тұрды. Оның құрамында қоңырат, найман, арғын, қаңлы, алшын т.б. болды. Оның басшылары арасында билік үшін күрес болып жатты.

Нәтижесінде Ноғай ордасы құлап, орнына Қазан, Қырым, Астархан хандықтары құрылды.