Ілебай

Ілебай - 18 ғасырға жататын мазар. Жамбыл облысы Жамбыл ауданы Ақкөл ауылының жерінде. Зерттеу жұмыстарын 1945 жылы Қазақстан Министр Кеңесі жанындағы республикалық архитектура басқармасының экспедиция (Г.И. Пацевич), 1949 жылы Жамбыл облысы мұражайының экспедиция (Л.И. Ремпль) жүргізген. Iлебай күйдірілген кірпіштен салынған шаршылы құрылыс. Төбесі көтеріңкі жалғыз күмбезден тұрады. Қабырғаларының сырт жағы тегіс те, іш жағы сүйір қуыстарға бөлінген. Мазар ішінен ретсіз жатқан оннан астам адам сүйектері бар екі ашық табыт табылған.