Ірі панельді құралымдар

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Кесонна плита.svg

Ірі панельді құралымдарүйлер мен ғимараттардың мөлшері ірі панель (плита) түрінде дайындалған құрама бөліктері. Панельдің салмағы крандардың жүк көтеру күшіне қарай 1,5 – 7,5 т шамасында болады. Үйдің негізгі бөліктері (қабырғасы, жабыны, аралық қабырғасы) панельден құрастырылады. Қабырғалық панельдің биіктігі әдетте үйдің бір не екі қабатының биіктігіндей болады. Панельдер арнаулы зауыттарда дайындалады. І. п. қ. күрделі құрылыста, тұрғын және өндірістік үйлерді салуда, т.б. қолданылады. І. п. қ-дың негізгі ерекшелігі – оларды зауытта жаппай дайындаудың мүмкіндігі, сапасының жоғарылығы, құрылыс алаңында шапшаң құрастыру, орнату жұмыстары мен одан кейінгі сылақ жұмыстарына уақыттың аз жұмсалатындығы. Сондықтан І. п. қ. ең озық әрі индустриялық құралымға жатады. Құрылым тәжірибесінде темір-бетоннан қабат-қабат және тұтас етіп жасалған І. п. қ. кеңірек тараған. Каркасты (қаңқалы) панельді үйлердің көтергіш элементі – темір-бетоннан құрастырылған каркас. Ал қабырғалық панельдер сол каркасқа бекітіледі. Әдетте қабырғалық панельге өзінің салмағынан басқа жүк (күш) түспейді. Сондықтан олар үйдің қоршаулық элементінің қызметін атқарады. Каркасты панельді үйдің биіктігіне (қабат санына) шек қойылмайды. Каркассыз ірі панельді үйлер түгелдей ірі панельден құрастырылады. Бұл жағдайда панельдер көтергіш элементтің де, қоршаулық элементтің де қызметін атқарады. Қазіргі кезде ірі қалалардағы көп қабатты үйлер негізінен І. п. қ-ды пайдалана отырып салынған.

[1]

Пайдаланылған cілтемелер[өңдеу]

  1. Қазақ Энциклопедиясы, 9 том