Ішкі істер әскерлерінің мақсаты мен міндеттері.

Ішкі істер әскерлерінің мақсаты мен міндеттері. Ішкі істер министрлігінің ішкі өскерлеріне маңызды мемлекеттік объектілерді күзету және аса қауіпті құқық бұзушылықтардың, диверсиялар мен террорлық актілердің жолын кесу, заңсыз қарулы құралымдарға қарсы күресу жүктеледі. Қазақстан Республикасының аумағында ықтимал ішкі қақтығыстар мен қарулы құралдарды қолданыла отырып, оның өмірлік маңызды мүдделеріне қатер төндіретін, өзге де іс-әрекеттердің алдын алу және тойтарыс беру мақсатында Қазақстан Республикасы Ішкі істер министрлігінің Ішкі әскерлеріне мынадай міндеттер жүктеледі:

• қақтығыс ауданында қоғамдық тәртіптің сақталуын қамтамасыз ету және төтенше жағдай құқықтық режимін ұстап тұру;
• қақтығыс ауданын тұмшалау және шектеу;
• қарулы қақтығыстарды тыю және тайталасушы тараптарды ажырату;
• заңсыз қарулы құрылымдарды қарусыздандыру мен ауыздықтау және қақтығыс ауданында халықтың қолындағы қаруды алу жөнінде іс-шаралар жүргізу;
• қақтығыс ауданына іргелес аудандарда қоғамдық тәртіп пен қауіпсіздікті сақтауды күшейту, сондай-ақ Қазақстан Республикасының зандарында көзделген басқа да міндеттерді орындау.

Қазақстан Республикасы Ішкі істер министрлігінің Ішкі әскерлеріне қақтығыс ауданын тұмшалау мен шектеуге, қарулы қақтығыстарды тыю және тайталасушы тараптарды ажыратуға, заңсыз қарулы құрылымдарды, бандылық және терроршыл топтар мен ұйымдарды жоюға, сондай-ақ маңызды мемлекеттік объектілерді қорғауға жәрдемдесу үшін Қазақстан Республикасының заңдарында белгіленген тәртіппен Қазақстан Республикасы Қарулы Күштерінің басқа да әскерлері мен әскери құрылымдарының тартылуы мүмкін.