АПН

АПН (БЖА - Баспасөз Жаңалыктарының Агенттігі) - кеңестік қоғамдық ұйымдардын ақпараттық органы. 1961 жылы ақпанда КСРО Журналистер одағы, КСРО Жазушылар одағы, шетелдермен достық және мәдени байланыстың кеңестік қоғамдары одағы, Бүкілодақтық "Білім" қоғамы өкілдерінің Мәскеуде болған конференциясында құрылды.

АПН-ның жоғарғы басқару органы - құрылтай Кеңесі. Күнделікті ұйымдастыру жұмысын басқарма жүргізеді. АПН КСРО мен шетелдік баспасөз, радио, телевизия, ақпараттық агенттіктер, баспалар, қоғамдық ұйымдар үшін КСРО-ның ішкі-сыртқы саясаты, кеңес халкының қоғамдық, экономикалық, мәдени өмірі жайлы әдеби материалдар, фотосуреттер, телефильмдер, сондай-ақ ішкі және халықаралық өмірдегі маңызды оқиғаларға кеңес жұртшылығының көзқарасын бейнелейтін материалдар дайындайды; кеңес баспасөзін, радиосы мен телевизиясын шетелдердің саясаты, қоғамдық өмірі, экономикасы, ғылым және мәдениеті жайлы ақпараттық материалдармен қамтамасыз етеді.

АПН 101 халықаралық және ұлттық акпараттық агенттікпен, 100-ден астам радиотелекомпаниямен, 120 баспамен байланыс жасайды. АПН материалдары 110 елде жарияланады. АПН материалы бойынша шетелдерде 52 журнал, 8 газет және 119 ақпараттық бюллетень шығады. АПН баспасы жыл сайын КСРО мен шетелде жалпы таралымы 13-15 млн. дана 300-ден астам кітап, альбом, ақпараттық материалдар т.б. шығарады. АПН басылымдары дүниежүзі халықтарының 65 тілінде шығады. АПН орыс, шетел тілдерінде одактық және халықаралық ақпарат хабаршыларын, ғылым, техника, мәдениет және өнер, спорт хабаршыларын, ағылшын тілінде кеңестік баспасөзге шолу "Дейли ревью" ("Daily review", 1963 жылы) шығарады.

АПН- нің 73 елде бюро және тілші тіректері, ТМД астаналары мен еліміздің ірі қалаларында қоғамдық бөлімдері бар. АПН- ның Қазақстандағы бөлімі 1969 жылы мамырда құрылды. Ол республиканың халық шығармашылығын өркендетудегі табыстары мен ғылым, техника, мәдениетінің дамуы жайлы КСРО мен шетелдерге жьлына 300-ден астам әдеби материал, 20 мыңнан астам фотосурет жіберіп тұрады.

АПН-ның жұмысына кеңес авторларымен бірге шетелдік жазушылар, публицистер және қоғам қайраткерлері қатысады..