Абайтанудан жарияланбаған материалдар

Уикипедия — ашық энциклопедиясынан алынған мәлімет
Jump to navigation Jump to search

«Абайтанудан жарияланбаған материалдар» - «Ғылым» баспасынан 1988 ж. жарық көрген ғылыми зерттеу мақалалар мен құжаттар жинағы. Авторы - М. О. Әуезов. Жинақ алғысөзден және көлемді 8 тақырыптан тұрады. Онда академиктің абайтану мәселелеріне байланысты орыс және қазақ тілінде жазылған зерттеулері, жүйелеген материалдары, баяндамалары, оқыған дәрістері, хаттары, жоспарлары енгізілген. Сондай-ақ ақын өмірбаянынан бастап, оның шығармаларының басылымдарына енгізген текстологиялық өзгерістері, Абай мұрасының рухани көздеріне, ақындық дәстүріне байланысты ғылыми болжамдары мен нақты тұжырымдарын танытатын еңбектері жүйелі түрде топтастырылған. Жоғары оқу орындарында абайтанудың арнаулы курсында оқыған дәрістері жеке тарауға жинақталған. Кітап соңында ғалымның осы жинаққа енгізілген мақалаларына ғылыми түсініктеме берілген. Кітап әдебиетшілерге, тарихшыларға, философтарға, көпшілік оқырманға арналған. Көлемі 19,2 баспа табақ, 2300 дана болып басылған.[1]

Дереккөздер[өңдеу]

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9