Абайға дейінгі қазақ поэзиясы және Абай поэзиясының тілі

«Абайға дейінгі қазақ поэзиясы және абай поэзиясының тілі» -қазақ мемлекеттік оқу орындары баспасынан 1948 ж. жарық көрген монографиялық еңбек. Авторы - Қ. Жұмалиев. Кітап С. Мұқановтың «Терең танымдық еңбек» атты мақаласымен ашылады. Алғы сөзден және 15 тараудан тұрады. Абай поэзиясын қазақ ауыз әдебиеті нұсқаларының, халық жыраулары шығармаларының тілімен, өзіндік ерекшеліктерімен тығыз байланыстыра отырып талдайды. Шығыс және батыс, орыс поэзияларының Абай шығармашылығына ықпалын, ақын шығармаларындағы әлеуметтік сарынды, оның өмір шындығының бейнелеу тәсілдерін сөз етеді. Абайдың жаңа сөздер мен тіркестерді қолдану ерекшелігін әдебиетімізге мазмұн, идея, тіл тұрғысынан енгізген жаңашылдығына баға береді. Еңбек әдебиет зерттеушілеріне, тіл мамандарына, жоғарғы оқу орындарының студенттеріне арналған. Көлемі 13 б. т., 5 мың дана болып басылған.