Абай қазақтың ұлы биі (деректі фильм)

Уикипедия — ашық энциклопедиясынан алынған мәлімет
Jump to navigation Jump to search

Абай қазақтың ұлы биі – деректі бейнефильм. [1].

Қазақтын ұлы ақыны Абай Құнанбаев өз заманының үлкен заңгері, халықтың әдет-ғұрып заңдарын түптеп білген билердің бірі. Өзінің төрт атасы атақты би болған, содан үлгі алған Абай сонау Майқы би заманынан бергі билік жоралғыларына да жетік болған. Ол бірнеше мәрте төбе би болып сайланып, генерал-губернатордың тапсырмаларымен ел ішіндегі даудамайларды, ұрлық-қарлықты т.б реттейтін Ереже жазды. Абай жазған Ереже қазақ даласына кеңінен тараған. Оның Сенатқа жазған хатында орыс, мұсылман заңдарын жетік білетіні көрінеді.

Патша шенеуніктерінің өз зандарын өрескел бұзатыны, тергеу амалдарының сақталмауы, прокурор, соттың өресіздігі нақты дәлелденеді. Фильмде Абайдың бірнеше билігі көрсетілген. Ұлы ақынның заңгерлік білігі, қара қылды қақ жарған әділдігі тұңғыш рет деректі фильм арқылы бейнеленген. Фильмнің авторы – Сұлтан Оразалы. Ұзақтығы 30 мин. 2007 жылы түсірілген. "Қазақстан" және "Хабар" телеарнасында бірнеше рет көрсетілді.

Дерекөздер[өңдеу]

  1. Қазақ телевизиясы. Энциоклопедия. – Алматы: Қазақпарат, 2009, 1-T. ISBN 978-601-03-0070-5.