Абай (ғылыми-зерттеу еңбектері)

«Абай» - қазақтың мемлекеттік көркем әдебиет баспасынан (қазіргі «Жазушы») 1945 ж. орыс тілінде жарық көрген ғылыми-зерттеу еңбектері. Авторы - М. С. Сильченко. Еңбек 16 мақаладан тұрады. Онда автор Абайдың балалық, жастық шағына, өскен ортасына шолу жасап, ақынның надандыққа, әділетсіздікке, зорлық-зомбылыққа қарсы күрес жолына тоқталады. Қазақ халқын әлеуметтік-рухани жағынан дамытудағы ерекше қызметіне жоғары баға береді. Александр Сергеевич Пушкиннің, М. Ю. Лермонтовтың, И. А. Крыловтың туындыларын тәржімалаудағы аудармашылық шеберлігіне талдау жасайды. Қара сөздеріндегі философиялық ой-пікірлерінің адамзат тағылым аларлық ғибраттық қуатына ден қояды. Еңбекте ақын өміріне қатысты жерлердің, замандастарының суреттері берілген. Кітап әдебиет зерттеушілеріне, тарихшыларға, студенттерге арналған. Көлемі 4,2 б. т., 10 мың дана болып басылған.