Авиньонда папаларды тұтқынға алынуы
Авиньонда папаларды тұтқынға алынуы - (1309-77) - Рим папаларының француз корольдарына саяси тәуелді болып, Авиньонда еріксіз отыруы. Мұны "Вавилон тұтқыны" деп те атайды.
1294 жылы Франция королы Филипп IV Англияға соғыс жариялайды. Шығымдарды жабу үшін король салықты үлкейтеді. Соның арасында дін иелерінен де салық ала бастайды. Бұл мәселеде Рим папасы Бонифаций VІІІ-мен келіспейді. Бұрын салықтан алынған пайда папаның қорына түсетін.
Король папаның қауым істеріне араласу правосын да мойындамады, ал папа барлық ақсүйек мемлекет басшыларын өз билігіне бағындырғысы келді. Филипп IV итальян феодалдарының көмегімен папа Бонифаций VІІІ-ні тұтқынға алып, оның орнына өзінің жақтасы, бордостық архиепискон Клемент V-ні (фрацуз) 1305 жылы папалыққа сайлатты. 1309 ж. ол папаның резиденциясын Авиньонға көшіріп әкелді. 1377 жылы Францияның 100 жылдық соғыстағы қиыншылықтарын пайдаланып, папа Григорий ХІ папа резидециясы Римге қайта көшірді. Папа билігі екіге (Римде және Авиньонда), 1409 жылда үшке бөлінді.
Авиньон заманында тақта отырған Рим папалары:
- Климент V: 1305—1314
- Иоанн XXII : 1316—1334
- Бенедикт XII : 1334—1342
- Климент VI : 1342—1352
- Иннокентий VI : 1352—1362
- Урбан V : 1362—1370
- Григорий XI : 1370—1377
Дереккөздер[өңдеу | қайнарын өңдеу]
- “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998