Авогадро заңы

Авогадро заңы — идеал газға қатысты негізгі заңдардың бірі. Бұл заңға сәйкес, температурасы (t) мен қысымы (p) бірдей әртүрлі газдардың бірдей көлемінде (V) молекулалар саны да бірдей болады. Бұл заңды 1811 жылы итальян ғалымы А. Авогадро (1776–1856) ашқан.

Авогадро заңы бойынша, 1 кмоль кез келген идеал газ қалыпты жағдайда (p = 101 325 Па = 760 мм сын. бағ. және t = 0°C) 22,4136 м³ көлем алады. Ал 1 мольдегі бөлшектер саны Авогадро тұрақтысы деп аталады.

Авогадро саны — кез келген заттың 1 моліндегі бөлшектер саны.

$N_{\text{A}}=6{,}022,141,79(30)\times 10^{23}~{\text{моль}}^{-1}$

Бұл бөлшектердің бірліктері — электрондар, атомдар, иондар немесе молекулалар — заттың сипатына және реакцияның түріне байланысты анықталады.