Автоматтық желі

Уикипедия — ашық энциклопедиясынан алынған мәлімет
Jump to navigation Jump to search

Автоматтық желі (Автоматная сеть; automat network) — элементтер жиынтығымен және оларды жалғастыру схемасымен берілген абстрак автомат. Автоматтық желі өндірістегі өнімді дайындау немесе қайта өңдеудің барлық процесін автоматты түрде орындайтын машиналар жүйесі, сондай-ақ олардың негізгі және қосалқы жабдықтары. Автоматтандырылған ағынды өндіріс 20 ғасырдың басында өнеркәсіптің кейбір салаларында (мысалы, химия мен тамақ өнеркәсібінде), технологиясын басқаша ұйымдастыруға болмайтын басқа да өндіріс салаларында басталды. Ал АВТОМАТТЫҚ ЖЕЛІ термині осы технология металл өңдеу станоктары мен машиналары жүйелеріне қатысты қолданылған күннен қалыптасты. А.жылы а р н а у л ы А.ж., б е л г і л і б і р б а ғ ы т қ а а р н а л ғ а н АВТОМАТТЫҚ ЖЕЛІ және ә м б е б а п АВТОМАТТЫҚ ЖЕЛІ болып бөлінеді. Арнаулы АВТОМАТТЫҚ ЖЕЛІлерде өнім пішіні мен көлемі жағынан қатаң, біркелкі өңделсе, белгілі бір бағытқа арналған АВТОМАТТЫҚ ЖЕЛІлерде параметрлерінің диапазондары неғұрлым кең бір типті өнімдерді өңдеуге лайықталады. Әмбебап АВТОМАТТЫҚ ЖЕЛІлер әр түрлі бір типті өнімді дайындауға арналған жабдықтарды тез қайта ретке келтіру мүмкіндігін қамтамасыз етеді. Өндірістің көлемі мен сипатына қарай бірнеше технологиялық амалдарды орындауға арналған бір ағынды, көп ағынды, аралас келетін параллель және тізбекті әрекетті АВТОМАТТЫҚ ЖЕЛІлер болады. Біртұтас жүйеге параллель немесе тізбекті әрекетті бірнеше АВТОМАТТЫҚ ЖЕЛІнің біріктірілуі мүмкін. АВТОМАТТЫҚ ЖЕЛІлер басқарудың автоматтандырылған жүйесі арқылы басқарылады. [1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Информатика және компьютерлік техника / Жалпы редакциясын басқарған түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5

Cанат: А