Автометаморфтану

Уикипедия — ашық энциклопедиясынан алынған мәлімет
Jump to navigation Jump to search

Автометаморфтану - (грек. autos — өзім, грек. metamorphо — өзгеремін) — суына бастаған магмадан магмалық тау жыныстарының қалыптасуы кезінде болатын процестер жиынтығы.

Мұның нәтижесінде қалыптасып жатқан магмалық тау жыныстары өзгерістерге ұшырайды. Бұл өзгерістер негізінен магмалық тау жыныстарының кристалдануы кезіндегі температура мен қысымның азаюына және магманың қатайып үлгерген бөлшектеріне балқыма қалдықтардың, ұшпа заттардың, гидротермалды ерітінділердің тигізер әсеріне байланысты. Автометаморфтану процесі: нақтылы магмалық (температура 6000С-тан астам), пневматолиттік (600-3750С) және гидротермалды (3750С) сатыларға жіктеледі.

Автометаморфтанудың мысалы ретінде спилиттердің альбиттенуін, перидотиттердің серпентиниттенуін, аляскиттердің грейзенденуін, негізді және орташа қышқыл жанартаутекті тау жыныстарының пропилиттенуін т.б. процестерді атауға болады. Автометаморфтанудың нәтижесінде қалыптасқан тау жыныстарының көпшілігі құрамына пайдалы кентас бөліктерін де қосып алады. Сондықтан олар кен іздестіру кезінде сенімді сілтеме рөлін атқарады.[1]

Дереккөздер[өңдеу]

  1. Қазақ ұлттық энциклопедиясы