Автономияландыру

Автономияландыру - мемлекеттің құрамындағы жекелеген аумақтарға әртүрлі деңгейде өзін-өзі басқаруына мүмкіндік беретін автономды дәреже беру. Автономияландыру термині КСРО-ның құрылуы қарсаңында Сталиннің ұсынысымен РКФСР, Украина, Белоруссия, Әзірбайжан, Армения және Грузияны автономды республикалар дәрежесінде біртұтас федеративті мемлекетке біріктіру мақсатында қолданылды. Бұл ұсыныс ұлттық теңдік қағидатына қайшы, бірігуші мемлекеттердің егеменді құқықтарын шектеуші ретінде қатаң сынға алынып, қарсылыққа ұшырады. Алайда басқадай жағдайда автономия, әсіресе, билікті орталықсыздандыру мәселелерін шешуде, әртүрлі ұлттық-мемлекеттік құрылымдарды орнатуда оң рөл атқаратыны сөзсіз.