Азутау
| Азутау тауы | |
| Сипаттамасы | |
|---|---|
| Тау жүйесі | |
| Пайда болған кезеңі | |
| Ұзындығы |
44 км |
| Ені |
22 км |
| Биіктігі |
2384 м |
| Орналасуы | |
|
48°39′48″ с. е. 85°45′24″ ш. б. / 48.66333° с. е. 85.75667° ш. б. (G) (O) (Я)Координаттар: 48°39′48″ с. е. 85°45′24″ ш. б. / 48.66333° с. е. 85.75667° ш. б. (G) (O) (Я) | |
| Елдер | |
|
| |
|
| |
Азутау – Марқакөл көлінің оңтүстігін бойлай орналасқан Оңтүстік Алтайдағы жота. Ұзындығы 44 км, ені 22 км, ең биік жері 2384 м.
Геологиялық құрылымы
[өңдеу | қайнарын өңдеу]Төменгі және орта девонның қышқыл шөгінділерінен, жоғарғы девонның габродиориті мен пермь граниттерінен түзілген.
Жер бедері
[өңдеу | қайнарын өңдеу]Азутау күмбез тәрізді, төбесінен су айрығы айқын байқалатын жота. Тік құлама болып келген солтүстік беткейі Марқакөл көліне тіреліп жатыр.
Климаты
[өңдеу | қайнарын өңдеу]Климаты континентті, қысы қатаң да қарлы (қаңтар айының орташа температурасы — 26о С), жазы қоңыржай ылғалды (шілде айының орташа температурасы 16о С). Жылдық жауын-шашын мөлшері 600-700 мм.
Өсімдігі
[өңдеу | қайнарын өңдеу]Жота Марқакөл қорығының құрамына енеді. Солтүстік беткейінің шалғынды дала белдеуінде (1450 — 1600 м) әр түрлі астық тұқымдасты шалғындар, оңтүстік беткейінде далалық бетегелі-шалғынды шөптер өседі. Таулы-тайгалы белдеуде (1450 — 1900 м) балқарағайлы тоғайлар басым. Белдеудің солтүстік беткейінің жоғарғы бөлігін самырсынды және теректі тоғай қамтып жатыр. Өзен аңғарларында шыршалы тоғайлар кездеседі. Субальпілі белдеу (1900 — 2000 м) биік шалғынды шөптермен және альпілік шалғындармен көмкерілген. Азутауда дәрілік өсімдіктер (алтын тамыр, марал тамыры) көп өседі.[1]