Акида

Акида-(арабша ақида — сенім, бұлжымайтын қағида; көпше түріндегі тұлғасы — акаид) — ислам дініндегі негізгі қағидалар жиынтығы. Бұлар Әбу Ханифаның (767 жылы өлген) “әл-Фикх әл-акбар”, ан-Насафидің (1142 жылы өлген) “әл-Акаид”, ас-Санусидің (1490 жылы өлген) “Умм әл-барахин” секілді жинақтарында көрініс тапқан. Бұлардың ең бастысы: Алла бір, пайғамбар хақ деп білу, қасиетті кітаптарға, Құранның ақиқаттылығына, о дүниеде болатын тергеу мен сотқа, тозақ пен пейіштің барлығына сену. Исламдағы бұл жалпы қағидаға шииттер қосқан өзіндік бір ерекшелік бар. Ол — Әли (Әзірет Әлі) ұрпақтарына Құдай құдіретімен белгіленген имамдық мұра туралы тұжырым.

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том