Активті төртполюстік электр тізбегі

Активті төртполюстік электр тізбегі (Активный четырехполюсник) — пассивті элементтерден (L, С, R) және электр қозғаушы күшінің немесе токтың эквивалентті генераторынан тұратын екі қос қышқыштары бар электр тізбегі. Кіріс қышқыштарына сигнал көзі, ал шығыс қысқыштарына жүктеме қосылады. Активті төртполюстік электр тізбегі кірісіндегі сигналы аз транзистордың жұмысын балама схема ретінде зерттеу үшін қолданылады. Транзистор сызықтық емес элемент, сигнал үлкейген сайын оның сызықтық емес қасиеттері көбірек біліне бастайды. Активті төртполюстік электр тізбегі зерттеу оның көрсеткіштерін өлшеуге әкеледі. Көрсеткіштер бойынша балама схеманың элементтерін есептеп шығаруға болады. Транзистордың осындай активті төртполюстік балама схемасында кіріс және шығыс токтары мен кернеулердің арасындағы тәуелділік h-параметрлер деп аталатын көрсеткіштер жүйесі арқылы сипатталады.