Акустикалық жүйе

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Speakers.JPG

Акустикалық жүйе (Акустическая система) — бір қорапқа орналастырылған бір немесе бірнеше дыбыс күшейткіштен тұратын жүйе. Тұрмыстық дыбыс техникасы құралдарының (электрофон, магнитофон және т.б.) құрамына кіреді. Өндірісте бір, екі және үш алапты, қуаты 2, 4, 6, 10, 15, 25, 35 және 100 Вт болатын акустикалық жүйелер шығарылады. Кейбір жүйелерде орта (500—5000 Гц) және жоғары (5 — 20 кГц) дыбыс жиіліктері жолақтарының деңгей реттегіштері болады. Мұндай жүйелердің бір қорапта қатты сөйлегіштермен бірге күшейткіш және күшейткіштің басқару, реттеу элементтері бірге орналасқан активті акустикалық жүйе дейтін турлері де бар.[1]

Тұтынушылар 35-АС-210 және 35-АС-212 маркалы акус тикалық жүйелерді көбірек пайдаланады, олар аппаратурамен бірге немесе бөлек сатылады. Тек сыртқы түрінде ғана айырмашылығы болатын мұндай жүйелерде 30-ГД-1, 15-ГД-11 және 10-ГД-35 типті дауыс зорайтқыштар, сондай-ақ орташа (диапазоны 500-ден 5000 Гц-ке дейін) және жоғары (диапа-зоны 5-тен 20 кГц-ке дейін) толқын жиілігінің өзді-өзіне жеке арналған дыбысты қайта жаңғырту деңгейінің екі сатылы реттегіші пайдаланылады. Бұл тектес акустикалық жүйенің алмалы-салмалы сәндік панелі болады, оны музыкалық программаны тыңдаған кезде дыбыс деңгейін реттегішке қол жеткізу үшін ғана ашуға болады. Стеорофонды музыкалық программаларды тыңдаған кезде бүкіл дыбыс панорамасының жақсы естілуі акустикалық жүйелердің үй ішінде дұрыс орналасуына байланысты.[2]

Дереккөздер[өңдеу]

  1. Қазақ тілі терминдерінің салалық. ғылыми түсіндірме сөздігі: Электроника, радиотехника және байланыс. — Алматы: "Мектеп" баспасы, 2007 ISBN 9965-36-448-6
  2. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9