Алабота (Қостанай облысы)

Алабота – Қостанай облысы Қарасу ауданындағы көл. Есіл алабында. Ұзындығы 8,4 км, ені 5,1 км. Ең терең жері 8,5 м. Жауынға байланысты көлдің аумағы өзгеріп тұрады. Су бетінің орташа аумағы 36,0 км². Солтүстік-шығыс жағалауы жарлауытты (1,5 – 2 м биіктікте), жиегінің қалған жері жайпақ. Көл жағалауында қамыс, алабында сораң өсімдіктер өседі. Суы ащы. Қараша айының бас кезінде қатып, сәуірдің басында мұзы ериді. Көл алабы жазда мал жайылымына пайдаланылады.