Алдан Байжанов

Алдан Байжанов (1906, Шілік ауылы — 1968, сонда) — жергілікті басшы. Ауыл молдасынан сауатын ашқан. 1923 жылы Ташкент қаласында С.Қожановтың демеушілігімен жоғары білім алған. Түркістан қаласында сот орындаушысы болып еңбек жолын бастаған. 1927 жылы Түркістан қаласы атком төрағалығына тағайындалады. Кейін Сайрам ауданы аткомының төрағалығына ауысқан. Мұнда "бай баласы" деген жаламен қуғындалған. 1935 жылы партиядан шығарылып, қызметтен босатылады. Әділеттілік іздеп Мәскеуге барғанымен, тұтқындалатын болған соң Қазақстанға кайта оралады. Бостандық ауданы тұтынушылар қоғамының бастығы болып қызмет атқарады. 1937 жылы қайтадан қуғын көреді. Ақтөбе ауылындағы бастауыш мектепте меңгеруші болып қызмет етеді. II дүниежүзілік соғысқа қатысады.