Алдыңғы жасақ

Алдыңғы жасақ — ұрыс барысында өз бетінше жеке тапсырмаларды орындау үшін бөлінетін күшейтілген танктік (мотоатқыштар) бөлімше. Алдыңғы жасақ қорғаныс кезінде қамтамасыз ету алқабындағы қимылдарға, ал шабуыл кезінде қарсыластың қорғаныс тереңдігіне тез енуге, оның маңызды объектілерін (шептерін) алуға және баскадай тапсырмаларды орындауға арналады. Сондай-ақ, алдыңғы жасақ жорық кезінде карсы ұрыс болжанған жағдайда және қарсыласты қуу кезінде басты күштер келгенше су бөгеттері өткелдерін, тау асуларын, жол тораптарын және т.б. алу мен ұстап түру үшін жіберілуі мүмкін. Алдыңғы жасақ Ұлы Отан соғысы кезінде кеңінен қолданылған. Атқыштар дивизиясынан алдыңғы жасақ, әдетге, танк ротасы, өздігінен жүретін артиллериялық қондырғылар батареясы, 1,2 танкіге қарсы — жойғыш артиллерия батареялары, саперлар взводы, барлаушы-химиктер бөлімшелерімен күшейтілген атқыштар батальоны құрамында жіберілген. Сондай-ақ, 1-эшелон полктерінен де шағын құрамды алдыңғы жасақтар бөлінетін болған. Олар өздерінің міндеттерін басты күштерге жақын кашыктықта, сонымен катар олардан 15-25 километр қашыктықта да атқаратын болған. Қазіргі уақытта көптеген шет мемлекеттердің ұрыстық жарғыларында жоғары жылжымалы қуатты атыс күші бар алдыңғы жасақ құру мен қолдану қарастырылады. Олар шабуылдық ұрыс кезінде терең атыстық жою нәтижелерін қолданудың маңызды құралы деп саналады. Сонымен қатар олар ядролық каруды жою немесе жаулап aлy, әуе шабуылынан қорғаныс құралдарын, басқару пункттерін және карсыластың орналасу шебінің тереңдігіндегі түрлі тылдық объектілерді жою міндеттерін орындауы мүмкін. Алдыңғы жасақтың іс-қимылдары өздігінен жүргізіліп, белгілі бір алқапта ұрыс жүргізумен байланыспауы қажет деп есептеледі. Алдыңғы жасақтың іс-қимылдары авиациямен және артиллериямен қошталады.