Александр Ильич Скнарев

Уикипедия — ашық энциклопедиясынан алынған мәлімет
Jump to navigation Jump to search

Александр Ильич Скнарев(1912, Солтүстік Қазақстан облысы,Айыртау ауданы,Айыртау ауылы - 16.10.1944, Қиыр Шығыс майданы) — 2-дүниежүзілік соғысқа қатысушы, гвардия майоры, ұшқыш. Алғашқы бесжылдықтың қарсаңында комсомол қатарына өтіп, көп ұзамай БЛКЖО ОК-нің шақыртуымен Донбасқа шахта құрылысын салуға барды. Осы жерде комсомолдық жолдамамен теңіз ұшқыштары мектебіне түседі. 1935 жылы училищені бітірген соң Тынық мұхит флотына жіберілген. Қиыр Шығыста 7 жыл әскери қызметте болып, торпедомен шабуыл жасау шеберлігін меңгерген. 1942 жылы штурман Скнарев Солтүстік флотқа жіберілді. Мұнда қарлы, қалың бұлтты күндерде ол жаудың әскери кеме керуендерін тауып, Кеңес әскерінің Торпедо тасығыш ұшақтарын мақсатты жерге жеткізді. 1944 жылдың 16 қазанында Скнарев отырған Торпедо тасығыш флагман ұшағы шабуылға шыгып, 130-дан астам зеңбірегі бар жау кемесіне оқ жаудырды. Скнаревке жасаған ерліктері үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (5.11.1944).[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х