Александр Петрович Березовский

"Александр Петрович Березовский"

Александр Петрович Березовский (22.3.1888, Верный қаласы — 19.12.1917, сонда) — Жетісуда Кеңес өкіметін орнатушылардың бірі. Верныйда 3 кластық училищені бітірді. 1905 жылы орыс- жапон соғысына қатысып, солдаттар арасында патша өкіметіне қарсы үгіт-насихат жүргізді. Березовский Жетісуға оралғаннан кейін К. Овчаров басқарған социалистер тобы жұмысына белсене ара-ласып, тұрғындарға үндеу-хат, прокламациялар таратты, төңкеріс идеясын насихаттады. 1907 жылы мамырда Березовский ревком қызметі үшін ұсталып, Верный түрмесіне қамалды, соңынан Шығыс Сібірге жер аударылды. 1917 жылы Ақпан революциясынан кейін Жетісуға қайта оралып, "Крестьянская газетаның" редакторы болды. Шаруалардың Жетісу облыстық төтенше съезіне (1917 жылы қазан) делегат болып сайланды. Контрреволюциялық топ Березовскийді Овчаровпен бірге тұтқындап, Талғарға (станица Софийская) баратын жолда екеуін де азаптап өлтірді. 1918 жылы 9 наурызда олардьщ мүрдесі қалалық паркке (қаз. 28-панфиловшылар паркі) жерленді.