Александр Сергеевич Иванов

Иванов Александр Сергеевич ^[1] (3.6.1946 жылы туған, Брест облысы Березов ауданы Будень селосы) – биология ғылыми докторы (1997), профессор (1998), Қазақстан Республикасы-ның еңбек сіңірген туризм нұсқаушысы (2005), Қазақстан Республикасы спортының құрметті қайраткері (2006) және жоғары оқу орнының үздік оқытушысы (2007).

Қазақ физкультура (1967, қазіргі Қазақ мемлекеттік спорт және туризм академиясы) және ҚазПИ-ді (1983, қазіргі ҚазҰПУ) бітірген. 1967 жылдан қазіргі Қазақ мемлекеттік спорт және туризм академиясында ұстаздық қызметпен айналысады. Оның ғылыми жұмыстарының негізгі бағыты – адамның экстремалды жағдайларға бейімделуінің физиологиялық және биохим. процестерін зерттеу мәселелері.

Иванов Александр Сергеевич 300-ден астам ғылыми жарияланымның, оның ішінде бірнеше монографиялар мен оқу құралдарының («Физиологические особенности физических упражнений в среднегорье», 1982; «Комплексный контроль в системе подготовки спортсменов. Медико-биологические аспекты», 2004; т. б.) авторы, 4 өнертабысы бар.