Алексеев Петр Вагапович

Уикипедия — ашық энциклопедиясынан алынған мәлімет
Jump to navigation Jump to search

Алексеев Петр Вагапович (1809 ж. т., Уфа губерниясы – ө. ж. б.) – әскери топограф. 1832 ж. Ново-Петровск (Қызылтас) қамалының геодезиялық түсірімін жасады. Қайдақ, Қаракешу, Өліқолтық шығанақтарының картасын сызды. Бозащы, Солтүстік Үстірттің топографиялық сипаттамасын жазды (1851 – 52 ж.). Өңірдегі 9 тарихи ескерткіштің суретін салған. 1838 – 40 ж. генерал Перовскийдің Хиуа, 1841 ж. подполк. Бларамбергтің Хиуа, Бұқара экспедицияларына қатысты. 1843 – 47 ж. Орынбор губерниясында түсірім жасап, қазақ даласының картасын сызды. 1855 ж. Орыс геогр. қоғамының жаршысында Жем өзенінің сипаттамасын жариялады. Алексеевтің Бозащы қазақтарының тұрмыс-салты туралы жазғандарының үзіндісі С.Асфендияров құрастырған «Қазақстан тарихы» очерктеріне енді.[1]

Дереккөздер[өңдеу]

  1. «Қазақстан» ұлттық энциклопедиясы (10 томдық), Алматы, 1998 – 2007.