Алла Константиновна Тарасова

Уикипедия — ашық энциклопедиясынан алынған мәлімет
Jump to navigation Jump to search

Алла Константиновна Тарасова(06.02.1898, Киев,-05.04.1973, Мәскеу)- орыс кеңес актрисасы, КСРО халық әртісі (1937), Кеңес Еңбек Ері (1973). 1954 жылдан КПСС мүшесі.

Өмірбаяны[өңдеу]

Драма өнері мектебінде оқыған. К.С.Станиславский мен В.И.Немирович-Данченконың шәкірті. 1916 жылдан өмірінің соңына дейін МХАТ группасында қызмет етті. Ол өзінің шынайы эмоциялық және психологиялық бояуы мол өнерімен орыстың актерлік өнер дәстүрін ілгері дамытты. Аня, Соня,Еленеа Андреевна, Ирина, Маша (Чеховтың «Шиелі бақ», «Ваня ағай» және «Апалы-сіңлілі үшеуінде», Негина, Тугина (А.Островскийдің «Таланттар мен табынушылар» және «Соңғы құрбандығында» ), Анна Каренина (Л.Толстойдың ос аттас романы бойынша), Настя,Татьяна, Варвара (Горькийдің «Шыңырау түбінде», «Дұшпандар» мен «Сая бақшыларында») рольдері актриса творчествосының шыңына айналды. Киноға түсіп, Катерина («Найзағайда» ,1934), Екатерина («Петр I-де», 1937-1939) т.б. рольді орындады. Педагогикалық қызметпен шұғылданды. Гастрольдік сапармен 1965 ж. Алматыда өнер көрсетті. 3-5- сайлау КСРО Жоғары Кеңесінің депутаты.

Сыйлықтары[өңдеу]

КСРО Мемлекеттік сыйлығының лауреаты (1941, 1946 ж. екі рет, 1947, 1949). 2 рет Ленин ордені, Қазан Революциясы орденімен және басқа 2 орденмен марпатталған.

Қолданылған әдебиет[өңдеу]

Қазақ Совет энциклопедиясы, 1976 жыл, Алматы,10 том, 555 бет