Алла Федоровна Сейітова

Уикипедия — ашық энциклопедиясынан алынған мәлімет
Jump to navigation Jump to search

Алла Федоровна Сейітова (1954 жылы 22 желтоқсанда Қарағанды облысы Ульянов ауданының Ульянов ауылында туған. Украин.)

Өмірбаяны[өңдеу]

Қарағанды мемлекеттік университетінің филология факультетін (1975) орыс тілі мен әдебиеті пәндерінің оқытушысы, филолог мамандығы бойынша; Мәскеу мемлекеттік тарих-мұрағат институты жанындағы құжаттану факультетіндегі екі жылдық курстарды (1988) бітірген.

Ғылыми жинақтардағы, мұрағат саласының арнайы журналдарындағы, газеттер мен журналдардағы ҚР ¥лттық мұрағат қорының аудиовизуалды құжаттарын сақтау және пайдалану мәселелері бойынша 40-тан астам жарияланымның авторы. Көптеген танымал теле- және радиобағдарламалардың кейіпкері болған («Бабье царство», «Шкала крепости», «Имя», «Личность», «Мое дело», «Народный герой» және тағы басқа.

1975 жылдан - В.И. Ленин атындағы ОМ орыс тілі мен әдебиеті пәндерінің мұғалімі (Талдықорған қаласы). 1978 жылдан - ҚР Орталық мемлекеттік кинофотоқұжаттар мен үнжазба мүрағатының аға мұрағатшысы, бөлім бастығы, мұрағат директорының орынбасары.

1995 жылдан бері - ҚР Орталық мемлекеттік кинофотоқұжаттар мен үнжазбалар мұрағатының директоры.

«Интерньюс» халықаралықұйымының протекциясы бойынша мұрағатты Францияда өткен «Red arhives» халықаралық конференциясында ұсынған (Париж қаласы); Эберт қорының атынан Қазақстанның Германиядағы мұрағат қызметін қор сарапшысы ретінде ұсынған. 3 жылдың ішінде сарапшы ретінде «Сорос-Казахстан» қорымен ынтымақтасып жұмыс істеген, Қор ұйымдастырған халықаралық семинарлар мен конференцияларға қатысқан (Венгрия, Украина, Ресей). «Іrех» қорының мәдени алмасу жобасына қатысқан («Қазақстан мен АҚШ мәдениеті. Тәжірибе алмасу», АҚШ, Филадельфия қаласы). Қазақстандағы ЮНЕСКО аймақтық өкілдігінің бағдарламасы бойынша аудиовизуалды құжаттарды сақтау, оларды заманауи нүсқаларға көшіру мәселелері бойынша бірқатар субаймақтық семинарлардың ұйымдастырушысы болған. Мұрағат үшін және республика үшін беделді және имидждік «Асыл мүра» (Қазақстанның музыкалық мұрасы) секілді жобалардың авторы және қатысушысы, оның аясында мұрағат қорларындағы ұлттық дәстүрлі музыка туындылары енген Қазақстанның көрнекті сазгерлері мен орындаушыларының дауыстары жазылған 15 CD, «1000 күй», «1000 ән» шығарылды. Көптеген шетел мемлекеттерінің елшіліктері мен консулдықтарының өкілдерімен белсене ынтымақтастық жүргізуде.

Аудиовизуалды құжаттарды сақтау және пайдалану мәселелеріне қатысты әдістемелік зерттеу еңбектерінің авторы. Нормативтік-құқықтық актілерді, оның ішінде «¥лттық мұрағат қоры және мұрағаттар туралы» заңды дайындау жөніндегі топтың мүшесі. Көптеген ғылыми және ғылымтанымдық жинақтардың, фотоальбомдардың, «Казахстан. Хроника века», «Архив памяти», «Линия судьбы», «Времен связующая нить» және тағы басқа секілді теледидар хабарлары циклдарының, көптеген деректі және ғылыми-танымал фильмдердің консультанты.

Марапаттары[өңдеу]

«Мұрағат ісінің үздігі» (1985), «Мәдениет қайраткері» (2000) белгілерімен, ҚР Мәдениет және ақпарат министрлігінің грамоталарымен марапатталған. == Отбасы ==Әкесі - Федчук Федор Архипович (1917-1983), облыстық ауылшаруашылық басқармасының бас агрономы болған, «Құрмет белгісі» (екі мәрте), Еңбек Қызыл Ту (үш мәрте) ордендерімен марапатталған, Карлагтың тұтқыны болған, өлгеннен кейін қылмыс құрамының болмауына байланысты ақталған. Анасы - Федчук Галина Карповна, зейнеткер, «Сарыарқа» фирмасында экономист болып жұмыс істеген.

Тұрмыс құрған. Жұбайы - Сейітов Абылғазы Өтегенұлы, ҚР ІІМ полковнигі. Ұлы - Сейітов Камал (1975 жылы туған), заңгер; қызы - Сейітова Лейла (1985 жылы туған), экономист. Немерелері - Исламбек, Исмаилхан.[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2