Алтай Қарпықұлы Құсайынов

Уикипедия — ашық энциклопедиясынан алынған мәлімет
Jump to navigation Jump to search


Алтай Қарпықұлы Құсайынов
Дүниеге келгені: 1955 қазан
Алматы қаласы
Мансабы: Астана қаласы Мемлекеттік филармониясының солисі

Алтай Қарпықұлы Құсайынов 1955 жылы 8 қазанда Алматы қаласында туған. Қазақ. Арғын тайпасы Қуандық руы Нұрбай бөлімінен шықққан[1]. Әкесі - Қүсайынов Қарпық Құсайынұлы, дербес зейнеткер, ауыл шаруашылығы ғылымдарының докторы, профессор, академик, Мал шаруашылығы институтындажұмыс істеген. Анасы - Сейфуллина Рымжан Мәжитқызы, дербес зейнеткер, ауыл шаруашылығы ғылымдарының кандидаты, Мал шаруашылығы институтында кафедра меңгерушісі болып жұмыс істеген.

Құрманғазы атындағы Алматы мемлекеттік консерваториясын (1979) оқытушы, концертмейстер, камералық ансамбльдің солисі мамандығы бойынша; П.И. Чайковский атындағы Мәскеу мемлекеттік консерваториясының ассистентурасымашықтанушысы (1982); Королев музыка академиясын (Глазго қ., 1994) концерт орындаушысы мамандығы бойынша бітірген.

Өнертану профессоры (2005 жылдан). Халықаралық психология ғылымдары академиясының нақты құрметті мүшесі (Санкт-Петербург қ., 2000).

«Пианист студенттерге арналған арнайы пәндер бойынша тесттер» коллоквиумына арналған тесттердің (2003), сақтауға берілген қолжазбалардың (Жоғары білім ғылымизерттеу институтының «Қазақстандағы фортепианоны оқытудың кейбір проблемалары» (1991), «Шопеннің төртінші балладасын орындау жөніндегі әдістемелік ұсынымдар» (1995) библиографиялық көрсеткіші) авторы. Қазақ, орыс және ағылшын тілдерін біледі. 1982-1998 жылдары -Құрманғазы атындағы Алматы мемлекеттік консерваториясының оқытушысы. 1995 жылдан - Құрманғазы атындағы Алматы мемлекеттік консерваториясының фортепиано факультетінің деканы. 1998 жылдан - Қазақ ұлттық музыка академиясының арнайы фортепиано кафедрасының деканы, меңгөрушісі (Астана қ.). 2007 жылдан бері - Астана қаласы Мемлекеттік филармониясының солисі.

ҚР Білім және ғылым министрлігінің грамотасымен марапатталған (2002). ҚР Халыққа білім беру үздігі (1995, 2000). ҚР Еңбек сіңірген әртісі (1998). Мәдениет қайраткері (2003). Саяси қайраткер ретіндегі идеалы - Шыңғысхан. Қазақстанның болашағы туралы болжамы - «Зайырлы демократиялық қоғам». Хоббиі - филателия, балық аулау. Сүйіп оқитын әдебиеті - А.С. Пушкин, М.Ю. Лермонтов, А.П. Чехов, О. де Бальзак.

Үйленген. Жұбайы - Айдаболова Гүлжан Мырзағалиқызы (1964ж.т.), доцент. Қыздары-Құсайынова АзельАлтайқызы (1986 ж. т.), Құсайынова Әмина Алтайқызы (1992 ж. т.).[2]

Дереккөздер[өңдеу]

  1. Алтай шежіресі, жауапты редактор -- Хакім Омар, Құрастырушы Ісләмов Ібрахым (Жақан). Алматы, «Темірқазық» баспасы, 2014
  2. Қазақстан Республикасында Кімнің Кім екені – 2011. 2 томдық анықтамалық. Алматы, 2011. ISBN 978-601-278-473-2