Алтын рудалары

Уикипедия — ашық энциклопедиясынан алынған мәлімет
Jump to navigation Jump to search

Алтын рудалары – құрамында өндіруге тұрарлық алтыны бар кен жыныстары. Жер қыртысындағы алтынның орта мөлшері (кларкы) 0,0000005 пайызға тең.

Түрлері[өңдеу]

Алтын рудаларының кездесу өзгешелігіне қарай түбірлі (рудалы) және қорымды болып бөлінеді. Алтын өндірісін ұйымдастыру үшін оның рудалы кендердегі мөлшері 3 – 5 г/т – дан, қорымды кенде 0,1 г/т – дан кем болмауы керек (өндіру ісі жоғарғы дәрежеде механикаландырылған болса). Түбір жыныстардағы Алтын рудалары докембрийлік, палеозойлық негіз құрамды, колчеданды, жасыл тасты вулканогендік жыныстарындағы мыс және полиметалл кендерінде кездеседі. Қорымды кендер эллювилік, аллювийлік, теңіздік болып бөлінеді.

Алтын минералдары электрум, сап алтын, алтын теллуридтері түрінде түсті, сирек металдар кендерніде, сульфидтер, сульфоарсенидтер, сульфо анитмониттер тағы басқалардың кристалдық торларында шашыраған түрде кездеседі. Түбір кендердегі Алтын рудаларынан алтынды бөлу үшін оларды ұнтап, алтынды сынаппен жинайды немесе көгерткіш қышқылмен ерітіп, химиялық жолмен тұндырады. Қорымды кендердегі алтын әдейі жабдықталған науаларда шайылып, тұндыру арқылы бөлінеді. Алтын үлкен қорымды кендерден тұндырушы машиналар немесе драга арқылы алынады. [1]

Дереккөздер[өңдеу]

  1. Қазақ Совет Энциклопедиясы, Алматы, 1976 ж., 8 том