Альбертозавр

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Альбертозавр динозавры

Альбертозавр – ірі жыртқы динозавр. Оның кішкентай алдыңғы аяқтарында екі саусағы, саусақтарында сояудай ұзын тырнақтары болған. Бұдан 76 – 74 миллион жыл бұрын Солтүстік Американың солтүстік – батыс бөлігінде өмір сүрген. Теропод тегінің тиранозаврид тұқымдастарынан шыққан. Ұзын құйрығының арқасында ауыр басы мен денесін тепе – теңдікте ұстап, жылдам қимылдаған. Артқы аяқтары – ұзын, тырнақтары – өткір, үш саусақты. 1884 жылы геолог Джозеф Тиррел Батыс Канаданың аумағынан Альбертозаврдың отызға жуық қаңқасын тапқан. Осыған байланысты бұл динозаврдың анатомиясы басқа динозаврларға қарағанда толығырақ зерттелген. Канаданың Альберт провинциясынан табылғандықтан альбертозавр аталған.

Қызықты деректер[өңдеу]

Альбертозавр динозаврының қаңқасы

  • Ұзындығы - 9 м, салмағы 3 т және қорегі – ет болған.
  • Альбертозавр деген атауды 1884 жылы атақты америкалық палеонтолог Генри Осборн берген.
  • Альбертозаврдың үстіңгі жақ сүйегінде – 14 – 16, астыңғы жақ сүйегінде 17 -19 тістері болған.
  • Көздері басының екі жағында орналасқан.
  • Альбертозавр ең жылдам ірі жыртқыш динозаврлардың бірі болған.
  • Бас сүйегінің ұзындығы 1 метрге дейін жеткен.[1]

Дереккөздер[өңдеу]

  1. Динозаврлар энциклопедиясы