Аман

Уикипедия — ашық энциклопедиясынан алынған мәлімет
Jump to navigation Jump to search

Аман мұсылмандардың әдетте мұсылман емес адамдарға беретін қауіпсіздік кепілдемесі. Құранның 9-сүре, 6-аятында мұсылман емес адамдарға қорғау, сақтау міндеттілігі айтылады. Бағынған елдер тұрғындарының өмірі мен мал-мүлкіне қол сұғуға тыйым салынады. Осындай міндеттемелер мен кепілдіктер 634 ж. араб әскерінің қолбасшысы Халид ибн әл-Уәлид тарапынан Дамаскіде жасалған. А-ды кез келген мұсылман бір мезгілде бір немесе бірнеше адамға бере алады. Басқа мұсылмандар бұл берілген А-ды бұзуға хақысы жоқ. Имамдар мен арнайы өкілдігі бар дін қызметкерлері бүкіл қалаға немесе әскери қосынға А. бере алады. Соғыс кезінде берілген осындай А-дар бейбіт бітім жасауға көмектескен. А. хат түрінде де беріледі. А. құжатын мұсылман емес адамдарға мұсылман елдерінде жүруге пайдаланған. Мұндай құжат көбіне қажылық жасаушыларға, саудагерлерге, бейбітшілік келісімін жасау үшін келетін әскери өкілдерге берілген.