Андрей Николаевич Шевченко

Уикипедия — ашық энциклопедиясынан алынған мәлімет
(Андрей Шевченко бетінен бағытталған)
Jump to navigation Jump to search
Андрей ШевченкоФутбол
Andriy Shevchenko Dynamo.jpg
Жалпы мағлұмат
Толық аты Андрей Николаевич Шевченко
Лақап аты Шева, Царь, Шығыстың сайтаны
Туған күні 29 қыркүйек 1976 (1976-09-29) (44 жас)
Киев облысы, УКСР
Азаматтығы  КСРО Украина
Бойы 183 см
Салмағы 72 кг
Позиция шабуылдаушы
Клуб жайлы ақпарат
Клуб Үлгі:Байрақ/Ukraine
Қызметі бас жаттықтырушы
Карьера
Жастар клубы
1986—1993 Кеңестік Социалистік Республикалар Одағы Украина Динамо (Киев)

Клуб карьерасы*
1993—1999 Украина Динамо Киев 117 (60)
1999—2006 Италия Милан 208 (127)
2006—2009 Англия Челси (футбол клубы) 48 (9)
2008—2009 Италия Милан 18 (3)
2009—2012 Украина Динамо Киев 51 (22)
Ұлттық құрамы**
1994—1995 Украина Украина-18 8 (5)
1994—1995 Украина Украина-21 7 (6)
1995—2012 Украина Украина 111 (46)[1]
Бапкерлік карьерасы
2016  Украина көмекші
2016—  Украина

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Андрей Шевченко (укр. Андрій Миколайович Шевченко; 29 қыркүйек 1976 жыл, Дворковщина, Киев облысы) — украин футболшысы, шабуылшы. Италия чемпионы атанып, Еуропаның ең үздік ойыншысына берілетін «Алтын доп» жүлдесіне ие болған. Қазіргі Украина Ұлттық футбол құрамасының бас бапкері.

Карьерасы[өңдеу]

Клубтық[өңдеу]

1986 жылы "Динамо" (Киев) академиясына қабылданды. 1990 жылы Иан Раш кубогының балалар турнирінде ойнап, үздік мерген атанды. Украина тұңғыш рет Шевченконың есімін осылай естіді. 1993 жылға дейін осындай бірнеше турнирде топ жарып, болашағынан үлкен үміт күттірген Андрейдің "Динамо" сапында дебюті 1994 жылы 8 қарашада өтті, "Динамо" - "Шахтер Донецк" кездесуінде алаңға шықты. Сол жылы 1 желтоқсанда "Днипроның" қақпасына бірінші голын соқты.

1995/96 жылғы маусымда 16, 1996/97 жылғы маусымда алты гол соқты.

1997/98 жылғы маусымда УЕФА Чемпиондар лигасында "Барселонаның" қақпасына хет-трик жасады, бұл ойында "Динамо" 4:0 есебімен жеңіске жетті. Ал 1998/99 жылы Украина чемпионаты мен Чемпиондар лигасының үздік мергені атанды. Ал 1995-99 жылдары қатарынан бес рет Украина чемпионы атанды.

1999 жылы мамыр айында 25 миллион доллар бағаға "Миланға" ауысты. 21 тамыз күні Италия суперкубогында "Пармаға" қарсы ойында тұңғыш рет "Милан" сапында алаңға шықты. Бір аптадан соң А сериясындағы тұңғыш ойынын "Леччеге" қарсы өткізіп, "Милан" сапындағы тұңғыш голын да осы кездесуде соқты. Алғашқы маусымда-ақ 24 голмен Италия чемпионатының үздік мергені атанды. Дәл осы көрсеткішін 2000/01 жылғы маусымда да қайталады, бірақ мергенде көшінде Эрнан Кресподан кейін екінші орында қап қойды (Креспо 26 гол соқты).

2002/03 жылғы маусым Шевченко үшін сәтті болды. Маусымның біраз бөлігін жарақатының кесірінен өткізіп алғанымен, Чемпиондар лигасының қаһарманы атанды, Украин футболшылары арасында бірінші боп осы турнир жеңімпазы атанды. Жыл соңында "Алтын доппен", 2004 жылы "Украина қаһарманы" деген атақпен марапатталды.

2006 жылғы әлем чемпионатынан соң "Челсиге" ауысты. Бірақ "Челси" сапында көпшілік күткен ойынды көрсете алмады, жасы отыздан асып қалған футболшы жиі жарақаттана беріп, алаңға аз шықты, гол соғуы тіпті сиреп кетті. 2008 жылы жазда "Миланға" қайта оралды, бірақ түпкілікті емес, жалға берілді. Бұл жолы оған 76-нөмірлі жейде берілді, бұрынғы 7-нөмірлі жейде бос емес еді (Алешандро Пату иеленіп алған).

"Милан" сапындағы бір маусым көңілдегідей болмады, чемпионатта үш гол ғана соқты. 2009 жылы командадан кетті. "Челсиге" қайта келді, бірақ лондондық клуб та, келісім шартты созғысы келмей, өзінің "Динамосына" қайта оралды.

2012 жылы карьерасын аяқтады.

Ұлттық құрама[өңдеу]

Ұлттық құрама сапында 1995 жылы тұңғыш рет алаңға шықты.

2006 жылғы әлем чемпионатында екі доптың авторы атанды. Бірін топтық кезеңнің екінші турыда Сауд Арабиясының қақпасына енгізді (4:0). Екінші голды соңғы турда Тунистің қақпасына пенальтиден соқты. Бұл ойында Украина 1:0 есебімен жеңіске жетті.

2012 жылғы Еуропа чемпионатында Швецияның қақпасына екі гол соғып, құрамаға жеңіс әперді — 2:1. Бірақ Украина топтан шыға алмады.

Бапкерлік[өңдеу]

2016 жылы маусым айында Украина Ұлттық футбол құрамасының бас бапкері боп тағайындалды.

Жеке өмірі[өңдеу]

  • Әкесі — Николай Григорьевич Шевченко,әскери қызметкер
  • Анасы — Любовь Николаевна Шевченко.
  • Әпкесі — Елена (д. Шевченко).
  • Әйелі — Кристен Пазик (11 тамыз 1978, Миннеаполис, США) — модель,
    • Ұлы — Джордан Шевченко (2004),
    • Ұлы — Кристиан Шевченко (2006),
    • Ұлы — Александр Шевченко (2012),
    • Ұлы — Райдер-Габриэль Шевченко (2014).
  • ағасы — Владимир Шевченко.

Жетістіктері[өңдеу]

Клубтық[өңдеу]

«Динамо» (Киев)

  • Украина чемпионы (5): 1994/95, 1995/96, 1996/97, 1997/98, 1998/99
  • Украина кубогы (3): 1995/96, 1997/98, 1998/99
  • Украина суперкубогы: 2011

«Милан»

  • Италия чемпионы: 2003/04
  • Италия кубогы: 2002/03
  • Италия суперкубогы: 2004
  • Чемпиондар Лигасы: 2002/03
  • УЕФА Суперкубогы: 2003

«Челси»

  • Англия кубогы: 2006/07
  • Лига кубогы: 2006/07
  • Англия суперкубогы: 2009

Жеке[өңдеу]

  • "Алтын доп" иесі: 2004
  • Украина чемпионатының үздік мергені: 1999
  • Италия чемпионатының үздік мергені (2): 2000, 2004
  • Чемпиондар лигасының үздік мергені (3): 1999, 2001, 2006
  • Милан дербиінің үздік мергені (14 гол)
  • УЕФА Чемпиондар лигасының үздік мергені: 1999
  • Жыл командасы (УЕФА) (2): 2004, 2005
  • Италияның үздік легионері: 2000
  • Украинадағы жыл футболшысы (6): 1997, 1999, 2000, 2001, 2004, 2005
  • Golden Foot жүлдесі: 2005
  • ФИФА 100
  • Украинадағы жыл спортшысы: 1999
  • Киевтің құрметті азаматы
  • Украинаның спорт шебері (2003)

Дереккөздер[өңдеу]

  1. УФФ мәліметі бойынша — 48.

Сілтемелер[өңдеу]