Антисубстанциализм

Антисубстанциализм немесе антиэссенциализм — субстанциализмге қарама-қарсы ұғым ретінде пайда болып орнығатын және оның антиподы ретінде бой көрсететін филос. айқындама. Антисубстанциализм субстанциализм бейнелейтінді ғана емес, қандай да болсын субстанцияны теріске шығарып, адамды тек өзіне ғана міндетті және кез келген субстанцияға тәуелсіз етіп жариялайды. Антисубстанциализмнің екі негізгі - монологтік және диалогтік типі бар. Идеологиялық тіркесте біріншісі адамның өзінің ішкі жан дүниесіне бой ұруының да, индивидуализмнің агрессиялық формаларының да ( көтерілістің және қандай да болмасын экстремизмнің идеологиясы) дәлелі мен ақталуы түрінде көрінеді. Екінші тип басқа адамға көзқарасты өзіндік құндылығы бар нәрсе ретінде және дүниеге көзқарасты ең қымбат игілік ретінде көрсеткенімен, шын мәніндегі қатынасты түсініп, адам ақиқатының дәлелді дүниеде терең тамыр жайғанын көрсете алмайды.