Антонио Пуэрта

Уикипедия — ашық энциклопедиясынан алынған мәлімет
Jump to navigation Jump to search
Антонио ПуэртаФутбол
Antonio Puerta Perez.jpg
Жалпы мағлұмат
Толық аты Антонио Хосе Пуэрта Перес
Туған күні 26 қараша 1984(1984-11-26)
Севилья
Қайтыс болған күні 28 тамыз 2007(2007-08-28) (22 жас)
Севилья
Азаматтығы  Испания
Бойы 183
Позиция жартылай қорғаушы
Карьера
Жастар клубы
2002—2004 Испания Севилья Б
Клуб карьерасы*
2004—2007 Испания Севилья 53 (5)
Ұлттық құрамы**
2006  Испания 1 (0)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Антонио Хосе Пуэрта Перес (ис. Antonio José Puerta Pérez; 26 қараша 1984[1], Севилья — 28 тамыз 2007, сонда) — испан футболшысы, жартылай қорғаушы.

Өмірбаяны[өңдеу]

Карьерасы[өңдеу]

1992 жылдан "Севильяның" балалар клубында жаттыға бастады. 2002 жылы ізбасарлар клубында ойнады. 2004 жылы тұңғыш рет негізгі құрамда алаңға шықты.

2006 жылы "Севильяның" негізгі футболшысына айналды. 2006/07 жылғы маусымда 25 кездесуде алаңға шықты, бірнеше маңызды голдарды соқты. УЕФА кубогының жартылай финалында "Шалькенің" қақпасына қосымша таймдарда жеңіс голын енгізді. Бір айдан соң УЕФА Кубогының иегері атанды, бірақ "Миддлсбромен" өткен финалда алаңға шыққан жоқ.

2006/07 жылғы маусымда 46 кездесуде алаңға шықты. Бұл маусымда "Севилья" қола жүлдені иеленді. Сондай-ақ тағы да УЕФА кубогының жеңімпазы атанды, бұл жолы финалда "Эспаньолға" қарсы 120 минут толық ойнады.

2007 жылы жазда "Реал" ұсыныс жасады деген ақпараттар пайда болды.

Қазасы[өңдеу]

2007 жылы 25 тамыз күні Испания чемпионатының бірінші турында "Севилья" "Хетафемен" ойнады. Осы ойын барысында Пуэрта өзін нашар сезінді, бірақ алаңнан өзі шығып кете алғанымен, киім ауыстыратын бөлмеде жүрек талмасы ұстап құлайды. Дереу ауруханаға жеткізілгенімен, қайтадан ес жия алмай, 28 тамыз күні жан тапсырды.

Үш күннен соң "Севилья" УЕФА Суперкубогында "Миланмен" ойнады. Ойын бір минуттық үнсіздікпен басталды. Футболшылардың барлығының жейдесіне "РUERTA" деген жазу болды.

Екі айдан соң ұлы Айтор дүниеге келді. Ол Севильядағы "Роман Санчес Писхуан" стадионынының мәңгілік абономенті атанды.

ЕУРО-2008, ӘЧ-2010, ЕУРО-2012 турнирлерінде Испания жеңімпаз атанды да, испандық Серхио Рамос үстіне Пуэрта бейнеленген "Әрқашан бізбен бірге" деген жазуы бар жейдені киіп алып мерекеледі.

Жетістіктері[өңдеу]

  • УЕФА Кубогы (2): 2005/06, 2006/07
  • УЕФА суперкубогы (1): 2006
  • Испания кубогы (1): 2006/07
  • Испания суперкубогы (1): 2007

Дереккөздер[өңдеу]

Сілтемелер[өңдеу]